Bandlikka ko‘maklashish davlat jamg‘armasi mablag‘lari hisobidan subsidiya va grantlar ajratish tartibi to‘g‘risidagi nizomga o‘zgartirish va qo‘shimchalar kiritiladi.
Normativ-huquqiy hujjatlar loyihalari muhokamasi portalida “O‘zbekiston Respublikasi Bandlikka ko‘maklashish davlat jamg‘armasi mablag‘lari hisobidan subsidiya va grantlar ajratish tartibi to‘g‘risidagi nizomga o‘zgartirish va qo‘shimchalar kiritish haqida”gi hujjat loyihasi e’lon qilindi.
Qayd etilishicha, prezidentning 2020 yil 18 maydagi PQ–4716-son “Tomorqa yer egalarini qo‘llab-quvvatlash va aholi bandligini ta’minlash bo‘yicha qo‘shimcha chora-tadbirlar to‘g‘risida”gi qaroriga muvofiq subsidiyalar quyidagi maqsadlar uchun ajratiladi:
a) aholi bandligiga ko‘maklashish markazi, yetkazib beruvchi tashkilotlar va tomorqa yer egalari o‘rtasida tuzilgan uch tomonlama shartnomalar asosida:
- yengil konstruksiyali issiqxonalar o‘rnatish uchun – bazaviy hisoblash miqdorining 30 baravarigacha;
- sug‘orish vositalari xarid qilish uchun – bazaviy hisoblash miqdorining 10 baravarigacha;
- urug‘liklar va ko‘chatlar sotib olish uchun – bazaviy hisoblash miqdorining 3 baravarigacha.
b) qishloq xo‘jaligi kooperativlari ustav fondiga ulush sifatida kiritishi uchun – bazaviy hisoblash miqdorining 10 baravarigacha.
Bunda:
- qishloq xo‘jaligi kooperativlari baliqchilik, quyonchilik, parrandachilik, asalarichilik, meva-sabzavotchilik, uzumchilik, tikuvchilik, hunarmandchilik va boshqa ilg‘or sohalarda tashkil etiladi;
- qishloq xo‘jaligi kooperativlariga ishsiz fuqarolar, kam ta’minlangan oilalar a’zolari, tashqi mehnat migratsiyasidan qaytib kelgan shaxslar hamda kooperativ faoliyati yo‘nalishi bo‘yicha tajribaga ega yetakchi tadbirkorlar birlashtiriladi.
Tomorqa yer egasining ehtiyojidan kelib chiqqan holda bitta oila quyidagi yo‘nalishlardan biri uchun uch tomonlama shartnoma tuzadi:
- yengil konstruksiyali issiqxonalar o‘rnatish;
- yengil konstruksiyali issiqxonalar o‘rnatish hamda urug‘liklar va ko‘chatlar sotib olish;
- sug‘orish vositalari xarid qilish;
- sug‘orish vositalari xarid qilish hamda urug‘liklar va ko‘chatlar sotib olish;
- urug‘liklar va ko‘chatlar sotib olish. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Osvensimda minglab yahudiylar «Tiriklar marshi» aksiyasini o‘tkazdi
OAV: Markaziy Osiyo davlatlari dronlar bilan qurollanmoqda
Rossiyada amerikalik askar o‘g‘rilikda ayblanib qo‘lga olindi
G‘azo aholisi HAMASning tinchlikka erishish yo‘lidagi qarorini nishonlash uchun ko‘chalarga chiqdi
Britaniyalik milliarder uylandi. 25 mln dollar sarflangan to‘y 4 kun davom etdi
Si Szinpin Falastindagi mojaroni hal qilish shartlarini aytdi
Xarkivga yana bomba zarbalari uyushtirildi
Tadqiqot: dunyoda antisemitizm to‘lqini kuzatilmoqda
