MIB: Sobiq xodimlarga mablag‘lar bosqichma-bosqich to‘lab berilmoqda va nazoratga olingan

Joriy yilning 11 sentabr kuni ijtimoiy tarmoqlarda – “Haligacha yakuniy hisob-kitob va kompensatsiya puli to‘lab berilagni yo‘q” sarlavha ostida xabar joylashtirilgan.

Murojaatda, Majburiy ijro byurosining Toshkent viloyati boshqarmasining Zangiota tumani bo‘limi sobiq xodimlari tomonidan haligacha yakuniy hisob-kitob va kompensatsiya puli to‘lab berilmagani bayon qilingan.

Mazkur murojaat yuzasidan o‘tkazilgan o‘rganish ishlari olib borildi. Jumladan, Majburiy ijro byurosi Toshkent viloyati boshqarmasining sobiq xodimlariga mehnat qonunchiligida nazarda tutilgan muddatga muvofiq, keladigan kunlar uchun pullik kompensatsiya to‘lovlari jami 477 nafar xodimlarga 1.161.639.0 ming so‘m pul mablag‘lari to‘liq to‘lab berilgan.

Birgina, Byuroning Zangiota tumani bo‘limining sobiq 32 nafar xodimiga 76.443.0 ming so‘m mablag‘larning to‘lanishi to‘liq amalga oshirilgan va 286.097.0 ming yakuniy hisob-kitob hisoblangan. Hozirda boshqa to‘lovlar ham to‘lovlar bosqichma-bosqich amalga oshirilmoqda.

Aytish lozimki, sobiq 477 nafar xodimlarga foydalanilmagan mehnat ta’tili uchun hisoblangan yakuniy hisob-kitob 4.613.353.0 ming so‘mni tashkil etib, to‘lovlar navbatdagi bosqichda amalga oshiriladi.

“Zamin” yangiliklarini “Facebook”da kuzatib boring