Foto: «Faceandcare.ru»
Joriy yil 6 oktabr kuni Axborot va ommaviy kommunikatsiyalar agentligida «Oziq-ovqat mahsulotlariga narx belgilash masalasi va mahsulotlar narxlarining ko‘tarilishiga ta’sir etuvchi omillar» mavzusida matbuot anjumani bo‘lib o‘tdi.
Unda Iqtisodiy taraqqiyot va kambag‘allikni qisqartirish vazirligi boshqarma boshlig‘i Shahobiddin Ortiqov, Qishloq xo‘jaligi vazirligi boshqarma boshlig‘i o‘rinbosari Otajon Pirmanov, Davlat soliq qo‘mitasi boshqarma boshlig‘i Dilshod Doniyorov, Monopoliyaga qarshi kurashish qo‘mitasi, Iqtisodiy jinoyatlarga qarshi kurashish departamenti bo‘lim boshlig‘i Farhod Ochilov, Veterinariya va chorvachilikni rivojlantirish davlat qo‘mitasi, Respublika tovar xom-ashyo birjasi, «O‘zyog‘moysanoat», «O‘zbaliqsanoat» va «O‘zparrandasanoat» uyushmalari mutasaddilari ishtirok etishdi.
Qayd etilishicha, Rossiyada shakar mahsuloti xom-ashyosini yetishtirish hajmi kamayishi bizdagi shakar narxiga ta’sir o‘tkazmay qolmagan. Shakar ishlab chiqaruvchi ikkita yirik korxonamizga Braziliya davlatidan shakar xom-ashyosini yetkazib, qayta ishlash choralari ko‘rilyapti. Yaqin oylar ichida shakar narxi tushib, 5800 so‘mdan sotilishi aytib o‘tildi.
Karantin davrida aholi iste’moli oshganligi bois narxi oshgan shakar mahsulotlari import ko‘paytirilmagani sababli ma’lum darajada mahalliy korxonalarni himoya qilish maqsadida bo‘lgani ta’kidlandi.
Yog‘-moy mahsulotlarining narxi oshishi esa paxta terim mavsumi tugamagani bilan izohlanmoqda. Mutasaddilar paxta mavsumi tugagach yog‘ narxi tushishini aytib o‘tishdi.
Tuxum mahsulotining narxi oshishi parrandachilikda yemish sifatida foydalaniladigan mahsulotlar chetdan keltirilishi bilan bog‘landi. «O‘zparrandasanoat» uyushmalari mutasaddilari ilgari (tuxum narxi 250-400 so‘m paytlarda — tahririyat) tuxum ishlab chiqaruvchilar zarariga ishlaganini aytib o‘tishdi. Tadbirda jurnalistlar o‘zlarini qiziqtirgan bir qancha savollariga javob olishdi.
Sanjar Mashriqiy
“Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
OAV: Markaziy Osiyo davlatlari dronlar bilan qurollanmoqda
Osvensimda minglab yahudiylar «Tiriklar marshi» aksiyasini o‘tkazdi
Rossiyada amerikalik askar o‘g‘rilikda ayblanib qo‘lga olindi
G‘azo aholisi HAMASning tinchlikka erishish yo‘lidagi qarorini nishonlash uchun ko‘chalarga chiqdi
Ozish uchun qancha yugurish kerak?
Ot sporti. Konkur bo‘yicha yana bir turnir o‘tkazildi
Robert Levandovski: “Mbappe futbolchi va shaxs sifatida juda aqlli”
Rossiya tashqi ishlar vaziri Makronni Napoleon va Gitler bilan solishtirdi