Foto: Prezident matbuot xizmati
Prezident Shavkat Mirziyoyev 11 yanvar kuni Jizzax viloyatiga keldi. Prezident matbuot xizmatining xabar berishicha, davlat rahbari dastlab Markaziy harbiy okrugning artilleriya brigadasini borib ko‘rgan.
Mazkur harbiy qismda katta hajmdagi qurilish va ta’mirlash ishlari amalga oshirilgan. Qurolli Kuchlar Oliy Bosh Qo‘mondoni Shavkat Mirziyoyev bu yerda yaratilgan sharoitlarni ko‘zdan kechirgan.
«Asosiy maqsadimiz — xalq bilan armiya birdamligi. Harbiy qismlar eshiklari el uchun ochiq bo‘lishi kerak. Milliy armiyamizning nuri, ma’naviyati hammaga yetib borishi zarur. Yoshlarni bu yerga olib kelib ko‘rsatish, o‘rgatish kerak. Bu ularni vatanparvarlik ruhida tarbiyalash, mamlakatimiz tarixi va qudrati haqida bilimlarini boyitishga xizmat qiladi. Bundan ota-onalar ham xursand bo‘ladi[i][/i]», — dedi Prezident.
O‘quv binosi ilg‘or harbiy tayyorgarlik talablariga mos jihozlangan. O‘quv trenajyorlari jangovar vaziyatga maksimal yaqinlashtirilgan. Yotoqxonalarda harbiy xizmatchilarning yashashi, dam olishi, vaqtini mazmunli o‘tkazib, bilimlarini mustahkamlashi uchun barcha qulayliklar bor. Harbiy qism oshxonasiga xizmat ko‘rsatish bo‘yicha autsorsing tizimi joriy qilingan.
Prezident askarlarning o‘quv-mashg‘ulotlarini ko‘zdan kechirgan. Harbiy bilim va ko‘nikmalarni maktab davridanoq to‘g‘ri yo‘lga qo‘yish, harbiy bilim yurtlari bilan harbiy okruglar o‘rtasidagi aloqani kuchaytirish muhimligi ta’kidlangan. Mutasaddilarga bugun dunyoda kuzatilayotgan xavf-xatarlardan kelib chiqib, jangovar tayyorgarlikni yangi pog‘onaga ko‘tarish, xorij tajribasini o‘rganish, eng ilg‘or axborot texnologiyalarini o‘zlashtirish bo‘yicha ko‘rsatmalar berilgan.
Shavkat Mirziyoyev harbiy qismdagi tibbiyot punktini ham kirib ko‘rgan. Bu yerda harbiy xizmatchilar va ularning oila a’zolariga malakali xizmat ko‘rsatilmoqda. Prezident ushbu punktdagi uskuna va kadrlar salohiyatidan foydalanib, harbiy qism yaqinidagi «Olmachi» mahallasi aholisini tibbiy ko‘rikdan o‘tkazish, xalq salomatligini mustahkamlashga hissa qo‘shish zarurligini ta’kidladi. Shuningdek, Mudofaa vazirligining zaxirasi sifatida har biri 500 o‘rinlik ikkita mobil gospital tashkil etish bo‘yicha topshiriq berildi.
Eslatib o‘tamiz, Prezident matbuot xizmati 4 yanvar kuni Shavkat Mirziyoyev qisqa muddatli ta’tilga chiqqani haqida xabar bergan edi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Netanyahu Isroil delegatsiyasining AQSHga safarini bekor qildi
AQSH Isroildan yuz o‘girdimi? Netanyahu Vashingtonga bormaydi
«Krokus»dagi hujum bo‘yicha sakkizinchi ayblanuvchining ismi oshkor qilindi
Rossiya G‘azoga 29 tonnadan ortiq insonparvarlik yordami jo‘natdi
Dubay hukmdorining eng go‘zal qizi qanday hayot kechiradi?
AQSH politsiyachilarining «aqlli qarori» Legoga ma’qul kelmadi
Rossiya ombudsmani: “Dunyo Moskva yaqinidagi terakt tashkilotchilarini topish yo‘lida birlashishi kerak”
Qahva va saraton: olimlardan zo‘r yangilik!