O‘zbekistonda kadrlarni tanlash va faoliyatini baholash bo‘yicha ochiq tizim joriy etiladi

2017–2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini «Yoshlarni qo‘llab-quvvatlash va aholi salomatligini mustahkamlash yili»da amalga oshirishga oid davlat dasturi to‘g‘risida»gi Prezident Farmoni loyihasi umumxalq muhokamasiga qo‘yildi.

Davlat fuqarolik xizmatida kadrlarni tanlash, ularning malakasini oshirish va faoliyatini baholash bo‘yicha samarali va ochiq tizimni joriy etiladi. Mazkur vazifaning bajarish muddati 2021 yil 1 mart etib belgilangan.

Taqdim etiladigan hujjat shakli, amalga oshirish mexanizmi, kutilayotgan natija: O‘zbekiston Respublikasi Prezidenti qarori loyihasi.
Loyihada:

• kadrlarni tanlash va ishga qabul qilishda ularning intellektual salohiyatini, ma’naviy fazilatlarini baholaydigan ochiq va oshkora tizimni joriy qilish;
  
• korrupsiyaning oldini olish bo‘yicha davlat xizmatchilarini muntazam o‘qitish va bilimini baholab borish tizimini joriy etish;
  
• vazirlar va ularning o‘rinbosarlari faoliyatini joylarda, shu jumladan mahallalarda amalda qanday o‘zgarish bo‘lganiga qarab baholab borish tizimini yo‘lga qo‘yish nazarda tutiladi.

“Zamin” yangiliklarini “Telegram”da kuzatib boring