Andijonda ona bolasini kaltaklab, tilanchilik qilishga majburlab kelgani aytilmoqda

^{Foto: Videodan kadr}
Ijtimoiy tarmoqlarda Andijon viloyatida ayol farzandini kaltaklab, tilanchilik qilishga majburlab kelgani aytilgan video tarqaldi.

Videoda aytilishicha, bolaning ko‘chada tilanchilik qilishiga uning onasi majburlagan. Bolaning tanasida, yuzida jarohatlari borligi, xususan, qo‘li tosh bilan urilgani, qizigan dazmol bosilgani aytilgan va jarohatlangan joylari ko‘rsatilgan.

^{Foto: Videodan kadr}
Bosh prokuratura matbuot xizmatining ma’lum qilinishicha, mazkur holat Andijon viloyati prokuraturasi tomonidan o‘rganilmoqda.