08:13 / 17.10.2021
705

Tojikistondan O‘zbekistonga avtobus qatnovlari qayta tiklanyapti

Tojikistondan O‘zbekistonga avtobus qatnovlari qayta tiklanyapti
Tojikistonning Asian Express firmasi 18 oktabrdan e’tiboran Xo‘jand – Toshkent – Xo‘jand yo‘nalishi bo‘yicha avtobuslar qatnovini qaytadan boshlaydi, deya xabar bermoqda AsiaPlus nashri.

Qatnov har kuni amalga oshiriladi. Chegaradan o‘tishda yo‘lovchilar koronavirusga qarshi emlanganlik to‘g‘risidagi sertifikatni ko‘rsatishlari kerak. Sertifikat bo‘lmasa, ekspress-test topshirishga to‘g‘ri keladi.

Asian Express vakillari keyinchalik talabdan kelib chiqqan holda qatnovlar soni kuniga ikki-uchtaga yetkazilishi mumkinligini ma’lum qildi.

Bundan tashqari, 20 oktabrdan e’tiboran Tojikistonning Panjikentidan Samarqand va Buxoroga ham avtobus qatnovlari boshlanadi. Reyslarni «Sayohati Haftko‘l» sayyohlik kompaniyasi amalga oshiradi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Jamiyat » Tojikistondan O‘zbekistonga avtobus qatnovlari qayta tiklanyapti