Shavkat Mirziyoev oliy ta'lim muassasalari talabalari bandligini ta'minlash orqali ularning turmush darajasini yaxshilash chora-tadbirlari yuzasidan videoselektor yigʻilishida oʻzining yoshlik yillarini yodga oldi. Mazkur holat «Menimcha» koʻrsatuvida namoyish etildi.
«Men oʻzim talaba boʻlganimda ikkita joyda ishlar edim. Bizda «voennaya kafedra» bor edi va nasoslarni «regulirovka» qilish boʻyicha. Hozirgacha esimdan chiqmaydi, ikkita joyda yaxshi oylik olar edim. 56 soʻm bitta kafedradan, 42 soʻm bitta kafedradan», — dedi prezident.
Oliy oʻquv yurti mutasaddilari talabalarning kelgusi faoliyatiga befarq boʻlmasligi, oʻz navbatida talabalar ham mehnatdan qochmasligi kerak. Ammo baribir asosiy mas'uliyat rektorlar zimmasida ekani ta'kidlandi.
«Rektor boʻlish uchun qanday intellekt kerak, rektor boʻlish uchun oʻsha domlalardan sifat nuqtai nazaridan biliming oʻn karra baland boʻlishi kerak. Turishing, yurishing… Men bugungi majlisni yopmayman, bu davomiy majlis boʻladi. Menga hisobot berish uchun emas, vijdonlaringni oldida, xalqimizning oldida hisobot berishni oʻrganinglar. Men har kvartalda bir marta sizlar bilan, albatta, uchrashaman», — dedi Shavkat Mirziyoev. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
