Aktrisa Lyupita Niongoning 150 ming dollarlik ko‘ylagi «Oskar» marosimidan so‘ng o‘g‘irlab ketildi

Noma’lum kishilar keniyalik aktrisa Lyupita Niongoning o‘tgan yakshanba kuni «Oskar» marosimiga kiyib borgan marvarid qadalgan ko‘ylagini o‘g‘irlab ketdi, deya xabar bermoqda «RIA Novosti».

Polisiya vakilining Agence France-Presse agentligiga ma’lum qilishicha, noyob libos Los-Anjelesdagi mehmonxona nomeridan o‘marilgan.

Niongoning ko‘ylagi Calvin Klein modalar uyi tomonidan alohida buyurtma bo‘yicha tikilib, olti mingta oq marvarid bilan bezatilgan edi. Uning qiymati taxminan 150 ming dollarga teng.

Manba: www.daryo.uz “Zamin” yangiliklarini “Telegram”da kuzatib boring