Ota-onasining qarshiligiga qaramay, san’atda muvaffaqqiyatga erishgan jahon yulduzlari (foto)
Ko‘pgina Gollivud yulduzlarining ota-onalari farzandlari o‘zi yoqtirgan mashg‘ulot bilan shug‘ullanishi uchun so‘nggi pullarini ham ayamaydi. Biroq ularning orasida ota-onasi karyerasiga xalaqit qilgan, shu sababli qiyinchiliklarga duch kelgan mashhurlar ham bor. Quyida shu kabi Gollivud aktyorlari haqida so‘z boradi.
Sharliz Teron
Bundan 35 yil oldin Sharliz Teronning oilasida fojia yuz bergan. Aynan shu voqea uning Gollivudga kirib kelishiga sababchi bo‘ldi. Sharliz Janubiy Afrikada tug‘ilgan. Aktrisaning otasi onasini otib o‘ldirmaganida, u ehtimol Yoxannesburg yaqinidagi fermada yashagan bo‘lardi. Sharliz o‘zini-o‘zi himoya qildi, aktrisaning otasi ularga qurol ko‘tarib, o‘ldirish bilan tahdid qildi.
Sharliz Italiyaga ko‘chib kelganida atigi 16 yoshda edi. Aktrisa bu yerda modellik tanlovida g‘olib chiqdi va raqs bilan shug‘ullanishni orzu qildi. Uning bu rejasi tizzasidan jarohat olgani tufayli ushalmadi.
“Bu menga hayotning tugagani kabi tuyuldi. Raqs mening ishtiyoqim edi. Janubiy Afrikaga qaytib, umrimning oxirigacha supermarketda ishlayman deb o‘ylagandim”, — deydi Teron.
Biroq u Gollivudga bordi va oradan ko‘p otmay bir nechta rollarni olishga muvaffaq bo‘ldi. Aktrisa ilk bor 22 yoshida, “Iblisning himoyachisi” filmida rol o‘ynaganidan keyin katta mashhurlikka erishdi.
Kianu Rivz
Golliud aktyori Kianu Rivz bolaligidan dunyo bo‘ylab sayohat qildi, uning onasi otasi bilan ajrashgandan keyin o‘z baxtini qidirdi. Dastlab, u o‘g‘li bilan Livandan Avstraliyaga, keyin Kanadaga jo‘nab ketdi. Vaqt o‘tib aktyor Kanadadan AQSHga ko‘chib o‘tdi. Kianu yashash joyini tez-tez o‘zgartirganligi sababli yaxshi o‘qimagan. U 17 yoshida maktabni tark etdi va aktyorlik bilan jiddiy shug‘ullanishga qaror qildi. Aktyorning onasi uning aktyor bo‘lishini xohlamadi, otasining esa o‘g‘liga e’tibor qaratishga vaqti yo‘q edi.
“Ota-onam ajrashdi. Dadam narkotik moddalarga qaram bo‘lib qoldi va men uch yoshga to‘lganimda onamni tashlab ketdi. Men uni hali ham kechirmaganman. Men buni qabul qila olmayman, qanday qilib injiqlik tufayli rafiqasi va farzandlarini tashlab ketish mumkin”, — deydi Rivz.
1990-yillarning boshida Kianuning otasi uzoq vaqtga qamaldi va aktyor “To‘lqin yuqorisida” va “Tezlik” filmlari tufayli mashhurlikka erishdi.
Vudi Xarrelson
Vudi Xarrelson olijanob tergovchi, shafqatsiz jinoyatchi rollarini mahorat bilan gavdalantira oladigan aktyorlardan biri. Qizig‘i uning bu rollari shaxsiy hayoti bilan bog‘liq.
Avvaliga uning otasi 15 yilga ozodlikdan mahrum etildi, keyinchalik bu jazo umrbod qamoq jazosiga almashtirildi. Sharlz Xarrelson ko‘plab kechirilmas xatolarga yo‘l qo‘ydi, biroq shunga qaramay Vudi u bilan bo‘lishga harakat qildi.
“Men uni qamoqdan chiqarish uchun yillar davomida harakat qildim. Unga yana bir imkoniyatni bermoqchi edim. U bunga loyiqmi, bilmayman. Men otasiga yordam bermoqchi bo‘lgan o‘g‘il edim”, — deydi Vudi.
Kichik Xarrelson ham bezori bo‘ldi. U bolalar bog‘chasidan, keyin esa birinchi sinfdan haydaldi. U voyaga yetganida barlarga bordi, tez-tez janjal qildi va ko‘p vaqtini politsiya idorasida o‘tkazdi. Uning onasi va buvisi bunday intizomsiz bola aktyor bo‘ladi deb o‘ylamagan. Biroq aktyor bu ishning uddasidan chiqdi.
Margo Robbi
Aktrisaning taqdiri sabzavot yetishtirish va qo‘y boqish edi. Uning ota-onasi, bobo-buvilari dehqon bo‘lgan. Aktrisaga bu kelajak yoqmadi va u katta bo‘lgani sari shaharga ketishni xohladi. Margo Robbi voyaga yetib, jasoratli qiz bo‘lib, qarindoshlarining noroziligiga qaramay, otasining uyini tark etdi. Avvaliga u Sidneyga ko‘chib o‘tdi va u yerda bir nechta teleko‘rsatuvlarda ishtirok etdi, keyin esa eng ko‘p haq to‘lanadigan aktrisalardan biriga aylanish uchun chet elga ko‘chib bordi.
Aktrisa birinchi rolini ijro etganidan keyin mashhurlikka erishdi. U “Uoll-strit bo‘risi ” filmida rol o‘ynagan, biroq bu haqida oila a’zolariga aytmagan.
Jennifer Eniston
Jenniferning onasi Nensi Dou ham aktrisa. U ko‘p yillar davomida mashhur bo‘lishga harakat qildi, lekin kamdan-kam kastinglardan o‘tdi. Aktrisa birinchi darajali yulduzga aylanmadi va u qiziga kino sanoatga kirishni maslahat bermadi. Biroq qaysar Jen filmlarda rol o‘ynashga qaror qildi, shu sababli onasi bilan janjallashib qoldi.
Ular 15 yil davomida aloqa qilmadi. Eniston onasi yelkasini sindirib olganida uning oldiga bordi. Aktrisaning so‘zlariga ko‘ra, uning qattiq xafa bo‘lish uchun sabablari bor edi:
“U menga qo‘pol, semiz, xunuk, noshukr ekanligimni aytib turardi. Onam dadamnikiga o‘xshagan yuzlarimni va og‘zimni yoqtirmasdi. Men undan kamdan kam hollarda yoqimli so‘zlarni eshitardim”, — deydi aktrisa.
Selena Gomes
Selena Gomesning onasi Mendi qizining sahnaga chiqishiga to‘sqinlik qilmadi, aksincha, unga har tomonlama yordam berdi va ishlarini boshqardi. Biroq vaqt o‘tib Selena o‘z karyerasini ota-onasiga ishonib topshirganidan afsuslandi.
2014-yilda Gomes yana Jastin Biber bilan uchrasha boshladi, bu Mendiga unchalik yoqmadi. Ona va qiz janjallashib, gaplashmay qo‘ydi. Selena unchalik yosh emas edi, biroq u allaqachon yulduzga aylangan edi. Selena o‘z karyerasiga zarar yetkazmaslik va Gollivudning katta ligalarida qolish uchun Mendini ishdan bo‘shatib, yangi menejerlarni topishi kerak edi.
“Selena har doim onasi u uchun dunyodagi hammadan azizroq inson ekanini ta’kidlaydi. Biroq ular hali ham ziddiyatli munosabatda. Mendi va Selenaning o‘gay otasi u uchun qo‘lidan kelganini qildi. Mendini ishdan bo‘shatish qarori juda qiyin bo‘ldi”, — deydi Gomesga yaqin insayderlardan biri.
“Zamin” yangiliklarini “Odnoklassniki”da kuzatib boring
