Burak Oʻzchivit suratga tushayotgan Rossiya filmida nima haqda hikoya qilinadi?

Yangi yil bayrami mavzusiga bagʻishlangan “Archalar” (6+) franshizasi oʻzining iliq hikoyalari bilan Rossiyaliklarning sevimli bayrami arafasida koʻplab tomoshabinlar tomonidan ijobiy baholanib kelmoqda. Loyihaning 11-qismida ishtirok etadigan aktyorlar jamoasi joriy yilda efirga uzatiladigan “Archalar 11” filmi oʻzgacha chiqishiga ishora qilmoqda.

^{Foto: Instagram}
Ayniqsa, “Muhtasham yuz yil”, “Choliqushi”, “Hukmdor Usmon” kabi turk seriallari yulduzi Burak Oʻzchivit ilk bor Rossiya kinochilari tomonidan suratga olinadigan filmda rol oʻynashi muxlislarda alohida qiziqish uygʻotdi.

Film syujeti

^{“Archalar 11” filmidan lavha
Foto: Sevastopol media}
“Archalar 11” filmidagi voqealar turli qissalar orqali yoritib boriladi. Syujet Rossiyaning har xil burchaklarida sodir boʻlgan bir nechta voqealarga qaratilgan boʻlib, qahramonlarining taqdiri kutilmagan tarzda bir-biriga bogʻlanadi. Bosh qahramonlardan biri Yura amaki (Dmitriy Nagiev) qishlogʻida qoʻriqchi boʻlib ishlaydi va Kostya laqabli kichik choʻchqa bilan yashaydi. Yura amaki Yangi yil bayramini yoqtirmaydi, lekin boshqa qahramonlar singari bayram arafasida muhim narsalarni anglab etadi va bayramni yangi umidlar bilan kutib oladi.

^{Dmitriy Nagiev. “Archalar 11” filmidan lavha
Foto: Sevastopol media}
Burak Oʻzchivit ishtirokidagi Novella

“Archalar 11” filmining eng kutilgan qismlaridan biri bu aktyor Burak Oʻzchivit ishtirokidagi “Zolushka” qissasidir. Syujetga koʻra, bir qiz Yangi yil arafasida “Turkiyalik shahzoda” bilan uchrashishni chin dildan istaydi va uning orzusi kutilmagan tarzda amalga oshadi.

Suratga olish joyi

Burak Oʻzchivit ishtirokidagi romanni suratga olish ishlari Tataristonning Almetevsk shahrida boʻlib oʻtmoqda. “Archalar” franshizasi ustida ushbu shaharda ikkinchi marta ishlanmoqda. Qolgan hikoyalar Moskvada suratga olingan.
“Zamin” yangiliklarini “Telegram”da kuzatib boring