Xadicha sulton bu ishi uchun qatl qilinardi: “Muhtasham yuz yil”dagi qoʻpol xatolik

“Muhtasham yuz yil” seriali hech qachon tarixiy jihatdan yuz foiz aniq va real voqealar asosida yaratilmagan. Undagi hikoyalarning koʻp qismi rejissyorlar tomonidan oʻylab topilgan.

^{Foto: Kinoafisha.info}
Ekranda aks ettirilgan saroydagi muhit 16-asrda Usmonlilar imperiyasi hayotidagi haqiqiy an'ana va turmush tarzidan keskin farq qiladi. Shunday nomuvofiqliklardan biri Xadicha Sulton obrazi bilan bogʻliq.

Sulton Sulaymonning singlisi erining qatlida Xurramni aybdor deb biladi. Ibrohim poshoning oʻlimidan soʻng u sehr-joduga murojaat qilib, Xurramga nisbatan yovuz ishlarni amalga oshiradi. Ammo Islom dini va madaniyati hukm surgan Usmonlilar imperiyasida bunday ishlar qonunga zid boʻlgan. Sehr-jodu va shunga oʻxshash boshqa xatti-harakatlar qilish sulton oilasi uchun nafaqat ehtimoldan yiroq, balki Usmonli elitasi odatlariga mutlaqo zid boʻlgan.

^{Foto: Kinoafisha.info}
Islom an'analarida sehr-jodu bilan shugʻullanish eng ogʻir gunohlardan biri hisoblanadi. Qur'on bu ishlarni qattiq qoralaydi. Sehrgarlik bilan shugʻullanganlar esa oʻsha davrda oʻlimga hukm qilinishi mumkin edi. Shu sababli serialda Xadicha sultonning bunday ishga qoʻl urishi va javobgarlikka tortilmasligi mantiqan xato hisoblanadi.

Ma'lumot uchun, Xadicha sulton Sulaymon sulton I ning singlisi. U Salim I va Oysha Hafsa Sultonning qizi boʻlgan. Serialdan farqli oʻlaroq, u Usmonli imperiyasining bosh vaziriga turmushga chiqmagan. “Zamin” yangiliklarini “Telegram”da kuzatib boring