Munisa Rizayeva: Shuning uchun ham Toshkentga qaytishga majbur boʻldik...

Bir necha kun avval oʻgʻli bilan Argentinadan Toshkentga qaytgan xonanda Munisa Rizayeva Instagram’dagi sahifasi orqali jonli efirga chiqdi hamda muxlislarini qiziqtirgan savollarga javob berdi.

^{Foto: Instagram}
— Koʻrib turgan boʻlsangiz tirnoqlarim boʻyalmagan, lakimni olib tashlaganman. Chunki hozirda besh vaqt namozimni oʻqiyapman, mumkinmas. Namozga kichkinaligimdan oʻrganganman. Imkon qadar qoldirmay oʻqishga harakat qilaman. Ba'zan xizmatlar bilan boʻlib, oʻqiy olmayman, lekin bomdodni har doim oʻqiyman.

Oʻgʻlingizning ismini nega sir tutyapsiz?
— Oʻgʻlimning ismini u bir yoshga kirganida hammaga e'lon qilaman. Uning yuzini ham oʻshanda koʻrasizlar. Koʻz tegishidan qoʻrqaman, chunki nazar bor narsa.

^{Foto: Instagram}
Oʻgʻlingizga azon ayttirdingizmi?
— Albatta, oʻgʻlim tugʻilishi bilan turmush oʻrtogʻimning oʻzlari azon aytganlar, bundan tashqari Rahmatullo qori aka Dubaydan videoqoʻngʻiroq orqali aloqaga chiqib, telefonda azon aytib qoʻyganlar.

Tugʻruqdan keyin qanday oʻzingizga kelyapsiz?
— Men ayni paytda diyetadaman. Uyimdagi oshpazim Shahnoza menga faqat parhezbop taomlar tayyorlab beradi. Oʻzi homiladorlik paytimda uncha koʻp semirmadim. Bor-yoʻgʻi 4 kilo vazn yigʻdim.

Argentinadan tez qaytishingizga nima sabab boʻldi?
— Bolamning qorni koʻp ogʻrib, u juda koʻp yigʻlardi. Biz dorixonadan umuman dori sotib ololmasdik. Chunki dorilar faqat retsept asosida sotiladi. Shifokorga borsak 1 yoshgacha hech qanday dori mumkinmas, deyishardi. Shuning uchun ham Toshkentga qaytishga majbur boʻldik.

^{Foto: Instagram}
Argentinadagi ginekologlar haqida nima deysiz?
— Argentinadagi ginekologlar haqida faqat ijobiy fikr aytishim mumkin. Oʻzim u erda kesarcha kesish orqali tugʻdim. Qornimdagi choklar shunaqa mahorat bilan tushirilganki, deyarli sezilmaydi.

Turmush oʻrtogʻingiz nima sababdan Argentinada qoldi?
— Turmush oʻrtogʻimning Argentinada katta bizneslari bor. Bundan tashqari bizning hujjat ishlarimiz ham chala qoldi. Men oʻgʻlimni olib Toshkentga qaytganimdan soʻng, turmush oʻrtogʻim oʻsha ishlarni hal qilmoqda. Ular bir oylarda yonimga qaytadilar.

Kontserti haqida

^{Foto: Instagram}
— 24 oktyabr kuni Toshkentda kontsert berishni rejalashtiryapman. Oʻsha sanaga hozir joy bron qilishimiz kerak.

“Rossiyada yurgan vatandoshlarimizga qayting, deyman”
— Rossiyadagi hamyurtlarimizga yuragim achishadi. Qaytinglar Oʻzbekistonga, nima qilasizlar u erlarda qiynalib? Yangiliklarni oʻqib, videolarni koʻrib rosa asabiylashaman. Bizni yurtdoshlarimizga nisbatan boʻlayotgan hurmatsizlik meni xafa qiladi. Rossiyada topayotgan pulingiz Oʻzbekistonda ham bor, shuning uchun qaytinglar. “Zamin” yangiliklarini “Telegram”da kuzatib boring