Chonguk xavotiri: yangi BTS albomi qanday bo‘ladi?

Janubiy Koreyaning mashhur BTS guruhi harbiy xizmatdan so‘ng yangi bosqichga qadam qo‘ymoqda. Barcha a’zolar armiyadan qaytgani bilan, guruh faoliyatini qayta tiklamoqda va yangi albom ustida ish boshladi. Biroq ijodiy jarayon kutilgandek oson kechmayapti, deb Pravilamag ma’lum qildi.

Yaqinda o‘tkazilgan strimlardan birida guruh a’zolari Chon Chonguk va Chimin yangi albom 2026 yil bahorida chiqishini ma’lum qilishdi. Shu bilan birga, Chonguk o‘zining ehtirosli, biroq xafagar munosabatini ham ochiq izhor qildi:

«Endi, qanday bo‘lmasin, biz biror narsa chiqarishimiz kerak. To‘g‘rimi?» — dedi u.
Chimin qo‘shimcha qildi: «Biz buni endi kechiktira olmaymiz. Armiyadan so‘ng juda ko‘p kutdik. Qaysi qo‘shiq bilan qayta chiqishimizni o‘zim ham bilmayman».
Chonguk esa shunday dedi: «Rostdan, men biroz xavotirdaman. Hatto albom nomini ham bilmayman. Rostdan bilmayman».

Chongukning aytishicha, yangi material ustida ishlash oson kechmayapti. U o‘zini realist deb atadi va bu uning ijodiy ishlash usuliga ham ta’sir qilmoqda:

«Men realist insonman. Namjun-xyon (RM) kabi she’riy fikrlay olmayman. U poetik, men esa rostgo‘yman. So‘zlar osonlikcha kelavermaydi».

Bundan ma’lumki, BTS yangi davrga oddiy emas, javobgarlik va katta talablar bilan kirib kelmoqda. Guruh nafaqat muxlislar kutgan bosimni, balki shaxsiy ijodiy izlanishlarni ham his qilmoqda.

Kelgusi bahorda chiqishi kutilgan albom BTS’ning 2022 yildagi “Proof” to‘plamidan keyingi birinchi yirik relizi bo‘ladi. Hozircha albomning nomi, konsepsiyasi yoki asosiy mavzusi ma’lum emas. Ammo guruh ishni boshlab yuborgan va muxlislar kutgan tantanali qaytish uchun harakat qilmoqda. “Zamin”ni Telegramʻda oʻqing!