Bred Pittdan yangi rekord: «Formula-1» shov-shuv yaratdi!
Bred Pitt ishtirokidagi «Formula-1» filmi jahon bo‘ylab 545,6 million dollar yig‘ib, aktyorning eng kassabop loyihasiga aylandi. Film besh haftada 2013 yilda 540 million dollar daromad keltirgan «Zombi dunyo urushlari» natijasini ortda qoldirdi. «Formula-1» Apple TV+ platformasining ham eng ko‘p daromad keltirgan filmiga aylandi.
Gollivud yulduzi Bred Pitt ishtirokidagi yangi «Formula-1» filmi nafaqat uning shaxsiy karyerasida, balki Apple TV+ platformasida ham eng kassabop loyihaga aylandi. Film jahon bo‘ylab 545,6 million dollar yig‘ishga muvaffaq bo‘ldi.
Shu paytgacha Bred Pitt uchun eng yuqori daromad keltirgan film – 2013 yilda katta ekranlarga chiqqan «Zombi dunyo urushlari» (World War Z) edi. U o‘z vaqtida 540 million dollar yig‘gan edi. Endi esa bu ko‘rsatkich ham orqada qoldi – «Formula-1» besh haftadayoq ushbu natijani ortda qoldirdi.
«Formula-1» Apple kompaniyasining striming platformasi – Apple TV+ uchun ham jiddiy muvaffaqiyat bo‘ldi. Ungacha eng ko‘p daromad keltirgan filmlar Ridli Skottning «Napoleon» (221 million dollar) va Martin Skorsezening «Gulli oy qotillari» (158 million dollar) edi. Yangi film bu ko‘rsatkichlarni ikki barobardan ziyodga oshirdi.
Manba: Pravilamag
Izohlar 0
…