Xonanda Imron o‘z muxlislarini navbatdagi yangi ijod mahsuli — “Lolamsan” qo‘shig‘i bilan quvontirdi.
Ma’lum bo‘lishicha, taronaning rasmiy premyerasi 14 fevral kuni YouTube platformasida soat 18:00 da tomoshabinlarga taqdim etildi.
Qo‘shiq matni shoir Tohir Xolmuhammedov qalamiga mansub bo‘lib, taronaning musiqasi Oybek To‘xtayev tomonidan yaratilgan.
Shuningdek, “Lolamsan” qo‘shig‘i uchun suratga olingan klipda bir qator taniqli ijodkorlar ishtirok etgan. Jumladan, videoroldagi obrazlarni
- Mehriddin Rahmatov,
- Nargiza Abdullayeva,
- Shahzod Sultonov,
- Sevila Xudoyberganova,
- Ma’rufxon Muhammedov,
- Sardor Zokirov hamda
- Farruh Mirzayev jonlantirgan.
Imron o‘ziga xos ijro uslubi orqali tinglovchini hislar olamiga olib kiradi. Har bir misrada mehr, har bir notada yurak urishi seziladi. Qo‘shiq sevgan insonini hayotining eng go‘zal qiyosi “Lola”ga tenglaydigan romantik obraz atrofida qurilgan.
Mazkur tarona muxlislar tomonidan iliq kutib olindi va qisqa fursat ichida ko‘plab tomoshalarga ega bo‘ldi.
[media=[media=https://youtu.be/tXmesALtrpo?si=SS2FtQkh18lMLlXw]]
“Zamin”ni Telegramʻda oʻqing!
