Xonanda Jaloliddin Ahmadaliyev o‘zining “Yolg‘on dunyo” deb nomlangan yangi qo‘shig‘ini 21 fevral kuni YouTube platformasida taqdim etdi.
Mazkur yangi tarona Jaloliddinning muxlislarini nihoyatda quvontirdi. Qo‘shiqdagi lavhalar tomoshabinlar e’tiborini tortib, klip syujeti, so‘zlari va musiqasi yuqori baholandi. Taronaning matni va musiqasi Avaz Hamidovga tegishli bo‘lib, u ijroga yanada jon bag‘ishlagan.
Bir kun ichida qo‘shiq 370 ming marta tomosha qilingan va mingdan ortiq izohlar qoldirilgan. Izohlarda muxlislar xonandaga ijodiy muvaffaqiyatlar tilab, qo‘shiqning ajoyib chiqqanini ta’kidlashgan. Shu bilan birga, ko‘plab tomoshabinlar klipni bir necha marta qayta ko‘rganini va musiqaning qalbga yaqin chiqqanini yozib qoldirishgan, bu esa yangi taronaning juda katta qiziqish uyg‘otganini ko‘rsatadi.
“Zamin”ni Telegramʻda oʻqing!
