Aktrisa Marjona Mirzaliyeva 32 yoshga to‘ldi. Bu haqda u o‘zining Instagram sahifasiga joylagan videopostlari orqali ma’lum qildi.
Aktrisa videolardan biriga “Alhamdulillah, yana bir yoshga ulg‘aydik”, boshqa videosiga esa “Tabriklar boshlandi, hammaga rahmat!” degan izoh qoldirdi.
Muxlislari va obunachilari Marjonani tavallud ayyomi bilan qizg‘in tabriklab, unga iliq va samimiy tilaklar bildirishdi.
Marjona Mirzaliyeva 1994 yilda Surxondaryo viloyatida tug‘ilgan. Oilada uch nafar farzand bo‘lib, Marjona ularning kenjasi hisoblanadi. Uning bir opasi va bir akasi bor.
Aktrisa O‘zbekiston davlat jahon tillari universitetini tamomlagan. U jamoatchilikka "Qodirxon" seriali orqali keng tanilib, tomoshabinlar mehrini qozongan.
Marjona Mirzaliyeva 2022 yil fevral oyida Tohir Abdullayev bilan turmush qurgan. Hozirda uning Muhammadhabib ismli 3 yoshli o‘g‘li bor.
