Xonandaning 24-25 may kunlari o‘tkaziladigan konsertiga chiptalar 128 ming so‘mgacha narxda sotilishi xabar qilinmoqda.
Taniqli o‘zbek xonandasi Yulduz Usmonova Dushanbe, Xo‘jand va Tursunzoda shaharlarida may oyi oxirlarida konsert beradi, deb xabar qilmoqda Sputnik.
Konsert tashkilotchisi Mavluda Rahmatovaning so‘zlariga ko‘ra, xonanda O‘zbekistonda taqdim etgan 14 kunlik konsertidan so‘ng Tojikistonga taklif etilgan.
«U 14 kun davomida Toshkentda konsert berdi. Endi esa xonanda Tojikistonga taklif etildi», — deya izoh bergan Rahmatova nashrga bergan intervyusida.
Ta’kidlanishicha, O‘zbekiston xalq artisti Yulduz Usmonova Dushanbe shahrida ikkita yakkaxon konsert dasturini taqdim etadi. Shuningdek, Xo‘jand va Tursunzoda shaharlarida ham chiqish qilishi kutilmoqda. Kohi Borbad ijarasi o‘ta qimmat bo‘lgani uchun xonandaning konserti Dushanbedagi Amfiteatrda o‘tkazilishi ma’lum qilindi.
«Toshkentda u tojikcha qo‘shiqni chakan kiygan holda ijro etdi. Va bu bizga juda manzur bo‘ldi», — deya tushuntirgan tashkilotchi.
Qayd etilishicha, Yulduz Usmonova Tojikistonda yangi konsert dasturini taqdim etadi. Dasturdan tojik tilida kuylanadigan bir nechta qo‘shiqlar o‘rin olgan. Tojik tilida kuylanadigan qo‘shiqlar she’ri tojik shoiri Orzu Isoyevga tegishli.
«Oxirgi yillarda O‘zbekistonlik xonandalardan hech kim Tojikistonda chiqish qilmagan, ikki mamlakat o‘rtasida aloqalar tiklangach, biz o‘zimizning yaqin do‘stimizni taklif qilishga qaror qildik va konsertni «Do‘stning qaytishi» deb nomladik», — deb aytgan Rahmatova. Yulduz Usmonovaning konsert dasturiga chiptalar 128 ming so‘mgacha narxda sotilayotgani qo‘shimcha qilingan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Biznes imkoniyatingizni kengaytiring
Nega Tramp Zelenskiyni yomon ko‘radi?
Qondagi shakar miqdorini tartibga soluvchi foydali meva nomi aytildi
Zelenskiy: Rossiya Ukrainaning issiqlik energetikasini deyarli to‘liq yakson qildi
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi