O‘zbekistonda xizmat ko‘rsatgan artist Sardor Rahimxon nafaqat ijod borasida, balki jamoat ishlarida faolligi bilan ham boshqalarga o‘rnak bo‘lmoqda. Paxta dalalarida konsert berish bilan birgalikda, etakni olib paxta tergan xonanda endi ko‘ngilli muxlislarini ham paxta dalasiga taklif etdi.
Sardor Rahimxon ijtimoiy tarmoqlardagi shaxsiy sahifasiga video joylashtirdi. Unda xonanda 29 oktyabr soat 09:00 da ko‘ngilli muxlislarini Toshkentdagi “Turkiston” san’at saroyi oldiga to‘planishlarini va Toshkent viloyatiga, bir kunlik paxta yig‘im-terimiga yo‘l olishlarini ma’lum qilgan. Albatta, ko‘ngilli muxlislarga xonandaning o‘zi va ijodiy jamoasi bosh-qosh bo‘ladi.
Sardor Rahimxonning ushbu tashabbusini muxlislari qatorida homiylar ham qo‘llab-quvvatladi. Toshkentdagi restoranlardan biri paxta dalasiga yo‘l oladigan ko‘ngilli terimchilarning tushligini o‘z gardaniga oldi. Boshqa homiylar esa sovg‘a-salomlarni va’da qilyapti.
Ko‘ngilli terimchilar paxta dalasiga avtobuslarda olib ketiladi. Xullas bosh tashkilotchi – O‘zbekistonda xizmat ko‘rsatgan artist Sardor Rahimxon paxta terimiga borish istagida bo‘lgan ko‘ngilli muxlislariga barcha shart-sharoitlarni yaratib bermoqchi.
Qiziq, paxtaga majburiy jalb qilinyapti, yotoq sharoiti yo‘q, ovqatlar bemaza deb bong urayotganlar shuncha sharoitdan keyin Sardor Rahimxonga sherik bo‘lisharmikin yo ijtimoiy tarmoqlar orqali suratlarni tomosha qilish bilan cheklanadilarmi?
“Zamin.uz” tahririyati ushbu xayrli ishda bosh-qosh bo‘layotgan O‘zbekistonda xizmat ko‘rsatgan artist Sardor Rahimxon va barcha tashkilotchilarga omad tilab qoladi.
“Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Toshkentdan Chorvoqqa avtobus qatnovi boshlandi
Orol dengizi bo‘yida mobil aloqa va internet tarmog‘i ishga tushirildi
YECHL. “Bavariya” va “Real” o‘rtasidagi dastlabki uchrashuvda jangovar durang qayd etildi
O‘zboshimchalik bilan qurilgan noqonuniy qurilmalar uzoqqa bormaydi
Prezident Olimpiadaga yo‘llanma olgan futbolchilarga tabrik yo‘lladi
Osiyo kubogi: O‘zbekistonning g‘alabasiga xorijdan qanday munosabat bo‘lmoqda?
Green Card javoblari qachon chiqishi e’lon qilindi