5 658
Shoh Jahon Jo‘rayev: «Jonli ijroning ahamiyati shundaki, haqiqat yuzaga chiqadi, san’at tozalanadi»
Sherali Jo‘rayevning to‘ng‘ichi o‘ziga xos shov-shuvlari bilan keng ommaga tanilgan. U Markaziy Osiyoda Elvis Presli imijiga taqlid qiluvchi yagona xonanda sanaladi. U yangi imijini mualliflik huquqi bilan himoyalashga harakat qilib, ommadan boshi baloga qolgan xonanda. U konserti afishalarida mo‘ylovi bilan ko‘ringan, biroq, sahnada o‘z uslubining bosh elementi – mo‘ylovidan voz kechib, namoyon bo‘lgan qo‘shiqchi…
Xullas, Shoh Jahon shou-biznes olamida o‘z o‘rniga ega yulduzga aylangani rost. Eng muhimi, Shoh Jahon jonli kuylab, el orasida hurmat qozondi. To‘yda yo konsertda – Farruh Zokirov yurtimizda rivojlantirgan fonogrammadan deyarli foydalanmaydi. Axir, u jonli ijroning haqiqiy darg‘asi oilasida voyaga yetgan…
Shoh Jahon Jo‘rayevga 8 ta savol berdik. Qora shlyapa, qora ko‘zoynak, qizil charm kurtka va sumka… Kiyinib qo‘yishni juda boplaydi-da, deysizmi? Keling, uning 8 javobini ham bir baholang-chi?!
1.Jonli ijroning ahamiyati haqida nimalar deya olasiz?
-Jonli ijroning ahamiyati shundaki, haqiqat yuzaga chiqadi, san’at tozalanadi.
2.Sherali Jo‘rayev – jonli ijroning “Sher”i! U kishidan boshqa yana kimlarni tan olasiz?
-Vazirlar, odatda, ko‘p bo‘ladi. Qirol esa hamisha bitta bo‘lgan. Men ham shu san’at qirolinigina tan olaman.
3.Jonli ijroning bosh qoidasi nima?
-San’at uchun chin vafodorlik!
4.So‘rovnoma o‘tkazmoqdamiz. O‘sha 8 nomzoddan qay birini jonli tinglab, qoyil qolgansiz? (Instagram va Facebook`dagi sahifalarimizni kuzating! J.H.)
-Men dunyo tan bergan sanatkorlarga havas qilaman, qoyil qolaman.
5.Ukangiz Zohir Shohning jonli ijrosida qanday kamchiliklar bor?
-Inson borki, kamchiliklardan xoli emas. Hatto buyuklar ham bir umr kamchiliklari bilan kurashgan.
6.Shoh Jahonning eng katta yutug‘i nimada?
-Shunday tinch va jannatmakon yurtda tug‘ilib, go‘zal imkoniyatlardan foydalanib, jonli konsertlar berish uchun sharoitlar yaratilganiga Yaratganga hamd.
7.Otangizning jonli ijro bobida aytgan qaysi maslahatlari qulog‘ingizda?
-Otam xalqni aldamay, pokiza xizmat qilish san’atkorning burchi ekanini aytadi.
8.Raqifangiz va farzandingizga qaysi qo‘shiqlaringiz yoqadi?
-Farzandlarim “Jayra”, “Chekka qishloq” kabi sho‘x qo‘shiqlarimni yodlab olgan. Bir oydan beri kaminani “Kim edigu kim bo‘ldik”ni aytib, uyg‘otishyapti.
San’atkorni oynai jahonda suvratini ko‘rasiz, uning fikrlari esa siyrati haqida ozmi-ko‘pmi xulosa qilishga undaydi. Yuqoridagi blits-intervyu sizga nimadir bera olgan bo‘lsa, xursandmiz.
Manba: Shov-shuv.uz “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
D vitamini dozasini oshirib yuborishning xavfli oqibatlari
Ukraina harbiy bo‘linmalari Xarkiv viloyatidagi yangi pozitsiyalarga o‘tkazildi
Pentagon mayori AQSH Isroilni qo‘llab-quvvatlagani uchun iste’foga chiqdi
Kolumbiya prezidenti Netanyaxuni hibsga olishga chaqirdi
Erdo‘g‘on davlat to‘ntarishi ehtimoli sababli tunda favqulodda yig‘ilish o‘tkazdi
Surxondaryo viloyatida ayiq IIB xodimiga jarohat yetkazdi
iPhone va iPad'ni ko‘z bilan boshqarish imkoniyati taqdim etiladi
Toshkent viloyatida hojatxonaga tushib ketgan 2 yoshli bola qutqarib olindi