14:39 / 09.11.2015
12 155

Xonanda Dilso‘z Toshkentdagi to‘yini Sardor Rahimxon o‘tkazib bergani haqidagi mish-mishlarni rad etdi

Xonanda Dilso‘z Toshkentdagi to‘yini Sardor Rahimxon o‘tkazib bergani haqidagi mish-mishlarni rad etdi
Dilso‘z taxallusi ostida ijod qiluvchi xonanda Go‘zal Jumaniyozova-Raimova turmush o‘rtog‘i — xonanda Farrux Raimov bilan to‘yi atrofida yuzaga kelgan ba’zi bir mish-mishlarga oydinlik kiritdi. Bu haqda «Darakchi» gazetasi'ga asoslanib «Daryo» nashri xabar bermoqda.

«Navoiydagi to‘yni ham, Toshkentdagisini ham Farrux aka ikkimizning oila-a’zolarimiz kelishgan holda o‘tkazishgan. Turmush o‘rtog‘im o‘zi ishlab topgan pulga to‘y qildi», — deydi Dilso‘z.

Dilso‘zning qayd etishicha, to‘y munosabati bilan «falon narsalarni biz to‘yona qilamiz», degan kishilar yosh kelin-kuyovni chuv tushirib ketgan.

«‘Kamera, dekorasiyani tashvishini qilmanglar, to‘yona qilamiz’, deganlar to‘yxonada kelin-kuyov bo‘lib o‘tirganimizda: ‘Pulini beringlar!’, deb kelganida lol bo‘lib qoldik», — dedi xonanda.

«O‘sha vaqtda pul topib berib yubordik, keyin esa hech kimning va’dasiga ishonmay, hamma narsani o‘zimiz qilganimizga etmas ekan, degan xulosaga keldik», — dedi Dilso‘z.

Xonandalar Dilso‘z va Farrux Raimovlarning turmush qurishi munosabati bilan tashkil etilgan to‘y marosimlari 2015 yil 15 aprelida Navoiyda, 21 aprelida esa Toshkentda bo‘lib o‘tgandi. Shu yilning 18 oktyabrida esa yosh oila qiz farzandlik bo‘lgandi.

Avvalroq, xonanda Dilso‘z «to‘yidan keyin besh yarim oyda tug‘ishi» sabablarini ma’lum qilgani haqida xabar berilgan edi. Bundan tashqari, Dilso‘z uning tug‘uruq vaqtidagi suratlarini tarqatib yuborganlar ustidan sudga shikoyat qilishi ma’lum bo‘lgandi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Madaniyat » Xonanda Dilso‘z Toshkentdagi to‘yini Sardor Rahimxon o‘tkazib bergani haqidagi mish-mishlarni rad etdi
[/banner_pushhouse