5 484
O‘zbekistonda ikki marta efirdan olib tashlangan «Sevgi iztirobi» seriali yana namoyish etiladi
Foto: Habertürk
Ikki marta efirdan olib tashlangan Turkiyaning «Sevgi iztirobi» («Kara sevda») seriali tez kunda Zo‘r TV telekanali orqali namoyish etila boshlaydi. Bu haqda telekanalning Instagram’dagi sahifasida ma’lum qilindi.
«Sevgi iztirobi» Zo‘r TV xususiy kanali orqali ilk marta 2017 yil sentabridan boshlab namoyish etila boshlandi. Ushbu serial O‘zbekistonda tezda ommalashdi, hatto choyxonalarda ham serialni katta qiziqish bilan tomosha qilishdi. Uning reklama bannerlarini poytaxt ko‘chalarida ham ko‘rish mumkin edi.
2018 yil fevral oyida O‘zbekiston bosh vaziri Abdulla Aripov «Sevgi iztirobi» serialini tanqid qilishi ortidan film namoyishi to‘xtatilgan edi. O‘shanda serialning endigina ikkinchi fasli namoyishi boshlangandi.
Foto: Habertürk
Zo‘r TV telekanali 2019 yil iyul oyida «Sevgi iztirobi» efirga uzatilishini ma’lum qildi. 30 iyul kuni soat 20:00 da serial qolgan joyidan efirga uzatildi.
Ertasi kuni esa serial efirga uzatiladigan vaqtda boshqa ko‘ngilochar ko‘rsatuv namoyish etildi. Bu safar serialning nima sababdan efirdan olib tashlanganiga izoh berilmadi.
Ma’lumot uchun, «Kara sevda» seriali Turkiyada 2015 yildan 2017 yil yozigacha namoyish etilgan bo‘lib, 2 mavsum va 74 qismdan iborat. Uning har bir qismi 120—150 daqiqadan iborat. Serialning har bir epizodi turli davlatlarda, jumladan, O‘zbekistonda ham bir necha qismlarga bo‘lib uzatildi. Serial 2017 yilda «Yilning eng yaxshi telenovellasi» nominatsiyasida «Emmi» mukofotini qo‘lga kiritdi. Dunyoning 20 dan ortiq davlatida, xususan, BAA, Iroq, Afg‘oniston Islom respublikalarida ham namoyish etildi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Moskva aeroportlarida 1000 ga yaqin tojikistonlik qolib ketdi
Timur Kapadze Indoneziyaga qarshi kechadigan yarim final bahsidan oldin nimalar dedi?
O‘zbekistonning eksport va importida yuqori ulushga ega davlatlar ma’lum qilindi
Shimoliy koreyaliklarning aql bovar qilmaydigan 7 ta kundalik odati
O‘zbekistonning tog‘li hududlarida qor yog‘di
Ro‘ziqul Berdiyev: "Kubok o‘yinlari davomida yigitlarda kuchli ishtiyoq sezmadim"
Futzal. Bugun O‘zbekiston bronza medali uchun Tojikiston bilan o‘ynaydi
Otabek G‘ulomxo‘jayev: "Tarixiy g‘alaba orqali o‘zbek xalqiga xursandchilik ulashgan yigitlarga rahmat"