Jismingni uyg‘otar, qo‘lidan kelsa,
Jonda irfoningni uyg‘otsin soat.
Soatga ishonib, Haqni unutding,
Ruhiy qo‘rg‘oningni uyg‘otsin soat.
Necha asru zamon, bosmayin zillat,
Soatsiz uyg‘ondi hanif bir millat*,
Joningni g‘aflatga qilmay musallat**,
Asru zamoningni uyg‘otsin soat.
Har kun, har daqiqang – ehsoning erur,
Qaytmas to qiyomat – imkoning erur,
Qalbing – tan mulkida sultoning erur,
G‘ofil sultoningni uyg‘otsin soat.
Soat bu – vaqt erur, zamon bo‘lagi,
Qiyomat kunining nomi – daragi,
Uxlasa, uyg‘onar inson yuragi,
O‘lgan vijdoningni uyg‘otsin soat.
Ey do‘st! Umring o‘tdi, kuymadi joning,
Haqiqat zikriga gungdir zaboning,
G‘aflat bilan o‘tdi davru davroning,
Davru davroningni uyg‘otsin soat.
Qo‘ng‘iroq chalmasdan soat siyoqi***,
Umringni uyg‘otsin qalb qo‘g‘irog‘i,
Soatga aylanib hikmat bulog‘i,
Ruhsiz makoningni uyg‘otsin soat.
Ilohiy haqiqat ruhda to‘lg‘onar,
Inson uyqudadir, o‘lgach – uyg‘onar,
O‘lim bongin urmay ruhiy dolg‘alar,
Bu jonsiz joningni uyg‘otsin soat.
Yo‘q, soat kimsani uyg‘otmas zinhor,
Olamni, soatni Uyg‘otguvchi bor,
Haqning izni ila, faqat so‘nggi bor
Mudroq iymoningni uyg‘otsin soat!..
*”Hanif bir millat” – Allohni bir deb yashagan tavhid millati, ya’ni musulmonlar.
“Joningni g‘aflatga qilmay musallat” – “Joningni g‘aflatga mag‘lub va qaram qilmasdan”.
*Siyoq – hisob (sanoq) ilmining nomi (“G‘iyos ul-lug‘ot”).
Manba: Azon.uz “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Moskva aeroportlarida 1000 ga yaqin tojikistonlik qolib ketdi
Jasur Jaloliddinov: "Gol o‘tkazmayotganimizga sabab butun jamoaning mehnatkashligi"
Germaniyada rossiyalik shaxs ikki ukrainalik harbiyni pichoqladi
“Titanik”dagi eng boy yo‘lovchining soati 1,4 mln dollarga sotildi
Timur Kapadze tarixiy natija qayd etilganidan so‘ng nimalar dedi?
Hatto meva mumkin emas: jigar uchun zararli uch odat
AQSHda Zelenskiy ukrainaliklardan nimani yashirayotgani oshkor etildi
Asab tolalarini mustahkamlashda muhim bo‘lgan vitaminlar