7 285
O‘zbekiston mamlakatning asosiy manfaatlariga xizmat qiluvchi tashqi siyosat yuritadi
AQShning Nyu York shahrida BMT Bosh Assambleyasi 71-sessiyasi bo‘lib o‘tayotgani haqida xabar qilingan edi. Unda, O‘zbekistonning tashqi ishlar vaziri Abdulaziz Komilov rahbarligidagi delegasiyasi ham ishtirok etmoqda. Bosh Assambleyaning 23-sentyabrdagi majlisida O‘zbekiston delegasiyasi rahbari Komilov ma’ruza qildi. U, dastlab, O‘zbekistonning birinchi prezidenti Islom Karimovning vafoti munosabati bilan hamdardlik izhor qilgan jahon hamjamiyatiga minnatdorchilik bildirib, rasmiy Toshkent fikricha, muhim bo‘lgan bugungi kun muammolariga e’tiborni qaratgan.
Abdulaziz Komilov, ma’ruzasining birinchi qismida O‘zbekistonning bo‘lg‘usi tashqi siyosatiga oid fikrlarni bildirgan. Tashqi ishlar vazirining aytishicha, O‘zbekiston mamlakatning asosiy manfaatlarini himoya qilish va uni ilgari surishga qaratilgan tashqi siyosatini saqlab qoladi va uni davom ettiradi. O‘zbekistonning tashqi siyosatdagi qat’iyati BMT Nizomi va Respublika Konstitusiyasida mustahkamlab qo‘yilgan xalqaro huquq me’yorlarining asosiy qoidalari, birinchi prezident vaqtida zimmasiga olgan xalqaro-huquqiy majburiyatlariga og‘ishmay amal qilishni taqozo etadi.
O‘zbekiston Respublikasi prezidenti vazifasini bajaruvchi Shavkat Mirziyoyev bayonot berganidek, O‘zbekiston kelgusida ham o‘zaro hurmat, teng huquqlilik va o‘zaro manfaatlarni hisobga olgan holda barcha xorijiy mamlakatlar bilan do‘stona va amaliy hamkorlikni mustahkamlash yo‘lidan og‘ishmaydi.
“O‘zbekiston shuningdek, boshqa davlatlarning ichki ishlariga aralashmaslik hamda vujudga kelgan barcha ziddiyat va mojarolarni tinch, siyosiy yo‘l bilan hal etish tarafdoridir. Mamlakatimiz harbiy-siyosiy blok va alyanslarga qo‘shilmaslik, o‘z hududida xorijiy harbiy bazalarni joylashtirmaslik, qurolli kuchlarimizni mamlakat hududidan tashqariga safarbar etmaslik qoidalarini prinsipial va yagona tanlov sifatida qabul qilgan. Masalaga shunday yondashuv, biz uchun eng to‘g‘ri qaror deb hisoblaymiz”, - degan O‘zbekiston tashqi ishlar vaziri.
Manba: Kun.uz “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Shavkat Mirziyoyev Rossiya bosh prokurori bilan uchrashuv o‘tkazdi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
22 noyabr kuni Cobalt avtomobiliga shartnoma ochilishi e’lon qilindi
