O‘zbekiston gidrometeorologiya xizmati 3 sentyabr kuni mamlakat bo‘ylab kutilgan ob-havo sharoitini e’lon qildi. Mutaxassislar ma’lumotiga ko‘ra, deyarli barcha hududlarda osmon biroz bulutli bo‘ladi, yomg‘ir yog‘ishi ehtimoli kutilmayapti. Biroq ayrim viloyatlarda shamol kuchayishi va chang-to‘zonlar kuzatilishi mumkin.
Poytaxt va markaziy hududlar
Toshkent shahrida kun havosi biroz bulutli va barqaror bo‘ladi. Yomg‘ir kutilmaydi. Shamol sharqdan 3–8 m/s tezlikda esadi. Harorat kechasi 16–18 daraja, kunduzi esa 31–33 daraja atrofida saqlanishi bashorat qilingan.
G‘arbiy viloyatlar
Qoraqalpog‘iston va Xorazmda ham osmon qisman bulutli bo‘lib, yomg‘ir kutilmaydi. Ammo shamol ayrim joylarda 13–18 m/s gacha kuchayishi va chang ko‘tarilishi ehtimol qilinmoqda. Harorat tun-duzi 15–20 daraja, kunduzi 30–35 daraja bo‘ladi.
Buxoro va Navoiyda
Bu hududlarda havo biroz bulutli bo‘ladi. Yomg‘ir kuzatilmaydi. Biroq shamol ayrim joylarda 22 m/s gacha kuchayishi va changli shamollar kuzatilishi mumkin. Harorat kechasi 15–20 daraja, kunduzi 32–37 darajagacha ko‘tariladi.
Markaziy viloyatlar
Toshkent viloyati, Sirdaryo, Jizzax va Samarqandda osmon biroz bulut bilan qoplanadi, ammo yomg‘ir yog‘maydi. Shamolning kuchayishi ehtimoli bor. Havo harorati kechasi 13–18 daraja, kunduzi esa 30–35 daraja atrofida bo‘ladi.
Janubiy hududlar
Qashqadaryo va Surxondaryoda havo yanada iliqroq kechadi. Shamol 7–12 m/s tezlikda esadi. Harorat kechasi 17–22 daraja, kunduzi 33–38 darajagacha ko‘tarilishi kutilmoqda.
Farg‘ona vodiysi
Andijon, Namangan va Farg‘onada ham osmon biroz bulutli bo‘ladi, yomg‘ir kuzatilmaydi. Shamol sharqdan 5–10 m/s tezlikda esishi kutilmoqda. Havo harorati kechasi 13–18 daraja, kunduzi esa 30–35 daraja bo‘lishi ma’lum qilingan.
Tog‘li hududlarda
Respublikaning tog‘li mintaqalarida havo nisbatan salqin bo‘ladi. Osmon biroz bulutli, yomg‘ir ehtimoli yo‘q. Shamol 7–12 m/s tezlikda esishi mumkin. Harorat kechasi 9–14 daraja, kunduzi esa 22–27 daraja bo‘lishi taxmin qilinmoqda.
Mutaxassislar aholiga shamolli va changli kunlarda ehtiyotkor bo‘lishga, ayniqsa nafas yo‘llari bilan bog‘liq kasallikka moyil shaxslarga salomatlikka e’tiborliroq qarashga chaqirmoqda.
“Zamin”ni Telegramʻda oʻqing!
