Ertaga, 23 oktyabr kuni mamlakatning ko‘pchilik hududlarida iliq va quyoshli ob-havo saqlanib turadi. Bu haqda O‘zgidromet ma’lum qildi.
Ma’lumotlarga ko‘ra, Toshkent shahrida osmon biroz bulutli bo‘lib, yog‘ingarchilik kutilmaydi. Shamol sharqdan 3–8 m/s tezlikda esadi. Harorat kechasi 11–13, kunduzi esa 26–28 daraja bo‘lishi kutilmoqda.
Qoraqalpog‘iston va Xorazm viloyatlarida havo o‘zgaruvchan, ayrim joylarda ertalab qisqa muddatli yomg‘ir yog‘ishi mumkin. Harorat kechasi 5–10, kunduzi 21–26 daraja atrofida bo‘ladi.
Buxoro va Navoiy viloyatlarida havo biroz bulutli va xush havo saqlanadi. Yomg‘ir ehtimoli yo‘q. Kechasi 8–13, kunduzi 23–28 daraja iliq bo‘lishi kutilmoqda.
Toshkent, Sirdaryo, Jizzax va Samarqand viloyatlarida ham quyoshli ob-havo hukm suradi. Harorat kechasi 8–13, kunduzi 23–28 daraja bo‘ladi.
Qashqadaryo va Surxondaryo viloyatlarida havo nisbatan issiq — kunduzi 25–30 darajagacha ko‘tarilishi mumkin.
Farg‘ona vodiysidagi Andijon, Namangan va Farg‘ona viloyatlarida yomg‘ir kutilmaydi, shamol sharqdan 5–10 m/s tezlikda esadi. Harorat kechasi 8–13, kunduzi 23–28 daraja bo‘ladi.
Tog‘li hududlarda havo salqin va nisbatan nam bo‘ladi. Harorat kechasi 5–10, kunduzi 18–23 daraja atrofida bo‘lishi ma’lum qilingan.
Sinoptiklar ma’lumoticha, haftaning qolgan kunlarida ham ob-havo barqaror bo‘lib, kuzning iliq pallasi davom etadi.
“Zamin”ni Telegramʻda oʻqing!
