O‘zgidromet ma’lumotiga ko‘ra, 25–26 oktyabr kunlari O‘zbekiston hududida havo harorati asta-sekin pasayishi kutilmoqda, deb xabar berdi idora.
Ma’lumotlarga ko‘ra, bugun va yaqin dam olish kunlarigacha mamlakat bo‘ylab iliq va quruq ob-havo hukm suradi, yog‘ingarchilik kutilmaydi. Faqat Toshkent viloyatining tog‘li hududlarida qisqa muddatli yomg‘ir yog‘ishi, baland tog‘ joylarda esa qorga aylanishi mumkin.
Harorat 24 oktyabrda mamlakatning ko‘p hududlarida 25–30 daraja, shimoliy viloyatlarda esa 21–26 daraja atrofida bo‘ladi. 25 oktyabrda harorat 23–28 darajaga, 26 oktyabrda esa 21–26 darajagacha pasayishi kutilmoqda. Shimolda bu ko‘rsatkich 19–24 darajagacha tushishi mumkin.
Shamol sharq yo‘nalishdan 7–12 m/s tezlikda esadi.
Toshkent shahrida havo o‘zgaruvchan bo‘lib, yog‘ingarchilik kutilmaydi. Shamol sharqdan yengil esadi. Harorat kunduzi 24 oktyabrda 28–30 daraja, 25 oktyabrda 25–27 daraja, 26 oktyabrda esa 24–26 daraja atrofida bo‘ladi. Kechalari harorat 13–15 darajagacha pasayishi kutilmoqda.
Sinoptiklarning ta’kidlashicha, iliq kunlar ortidan kuzning haqiqiy salqin fazasi endigina boshlanmoqda.
“Zamin”ni Telegramʻda oʻqing!
