Toshkent shahrida issiq suv va issiqlik ta’minoti xizmatlari uchun tariflar 15 foizga oshiriladi, deb xabar berdi Veolia Energy Tashkent kompaniyasi.
Poytaxt hokimining qaroriga ko‘ra, kompaniya tomonidan ko‘rsatiladigan markazlashgan issiqlik ta’minoti xizmatlariga yangi tariflar tasdiqlandi.
Yangi narxlarga ko‘ra, bazaviy tarif (QQSsiz) 711 641 so‘m/Gkal, aholi uchun — 139 860 so‘m, budjet tashkilotlari uchun — 952 797 so‘m, boshqa yirik iste’molchilar uchun esa 342 296 so‘m etib belgilandi.
Ma’lumotlarga ko‘ra, poytaxt aholisi hozirda bazaviy tarifning faqat 18 foizini to‘laydi, qolgan qismi shahar budjeti subsidiyalari hisobiga qoplanmoqda. Hukumat 2030 yilgacha bu subsidiyalarni bosqichma-bosqich bekor qilishni rejalashtirmoqda.
“Veolia Energy Tashkent” kelgusi besh yil ichida issiqlik xizmatlari bo‘yicha to‘lovlarni to‘liq iste’molchilar hisobiga o‘tkazishni maqsad qilgan.
Shuningdek, kompaniya ma’lum qilishicha, 2025 yilda gaz va elektr energiyasi tariflari 1 maydan, isitish manbalari uchun esa 15 iyundan oshiriladi.
Yangi qaror rasman e’lon qilingan kundan boshlab kuchga kiradi.
“Zamin”ni Telegramʻda oʻqing!
