O‘zbekistonda oliy ta’lim tizimida talabalar soni keskin ortib, ayniqsa qizlar soni bo‘yicha yangi rekord qayd etildi. Milliy statistika qo‘mitasi ma’lumotlariga ko‘ra, 2024/2025 o‘quv yilida mamlakatdagi oliy ta’lim muassasalariga 381,7 ming nafar abituriyent qabul qilingan. Bu ko‘rsatkich 2020/2021 o‘quv yiliga nisbatan qariyb 2,2 barobarga o‘sgan.
Eng qizig‘i, yangi qabul qilingan talabalarning aksariyati — qizlar. Jami 196,7 ming nafar qiz va 185 ming nafar yigit oliy ta’lim bosqichini boshlagan. Demak, qizlar so‘nggi yillarda ta’limdagi yetakchilikni qo‘lga olgan.
Hududlar kesimida eng ko‘p talaba qabul qilingan mintaqalar sirasida Toshkent shahri mutlaq yetakchi — 155,2 ming nafar talabani o‘z bag‘riga olgan. Undan keyin Buxoro viloyati (31,5 ming), Toshkent viloyati (22,7 ming) va Samarqand viloyati (21,2 ming) keladi.
Qolgan hududlarda ham o‘sish kuzatilgan: Qashqadaryoda — 28,8 ming, Farg‘onada — 20,7 ming, Surxondaryoda — 16,8 ming, Namanganda — 16,1 ming, Xorazmda — 16,8 ming, Qoraqalpog‘istonda — 18,6 ming talaba qabul qilingan. Eng kam ko‘rsatkich Sirdaryo viloyatida — 5,3 ming.
Mehmon guruhidagi foydalanuvchilar ushbu nashrga izoh qoldira olmaydi.
