“O‘zgidromet” 14 noyabr kuniga mo‘ljallangan ob-havo ma’lumotini taqdim etdi. Sinoptiklarning aytishicha, mamlakat bo‘ylab barqaror, yorug‘ va nisbatan iliq ob-havo hukm suradi, yog‘ingarchilik kutilmaydi.
Toshkent shahrida osmon o‘zgaruvchan bo‘ladi, shamol sharqdan 3–8 m/s tezlikda esadi. Harorat tungi paytda 4–6 daraja, kunduzi esa 17–19 daraja iliq bo‘lishi prognoz qilingan.
Qoraqalpog‘iston va Xorazm viloyatlarida ham quyoshli va iliq kun kutilyapti — harorat kunduzi 21 darajagacha ko‘tariladi. Buxoro va Navoiyda ham shunday sharoit kuzatiladi.
Samarqand, Sirdaryo va Jizzax viloyatlarida havo yorug‘, shamol sharqdan esib turadi. Harorat kunduzi 20 darajaga yaqin bo‘ladi.
Qashqadaryo va Surxondaryo aholisini 23 darajagacha iliq kun kutmoqda. Farg‘ona vodiysida esa ertalab tuman tushishi mumkin, kunduzi harorat 18 daraja atrofida bo‘ladi.
Tog‘li hududlarda ham barqaror havo saqlanib turadi — kunduzi 10–15 daraja iliq bo‘ladi.
Umuman olganda, 14 noyabr kuni O‘zbekiston bo‘ylab quyoshli va yoqimli bahorni eslatuvchi ob-havo kutilmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
