O‘zbekistonda MCHJlar ulushi 78 foizdan oshdi

Milliy statistika qo‘mitasi 2025 yil 1 noyabr holati bo‘yicha tijorat subektlari haqida yangilangan ma’lumotlarni e’lon qildi. Rasmiy hisobotga ko‘ra, mamlakatda jami 399,8 mingta tijorat tashkiloti faoliyat yuritmoqda.

Ularning asosiy qismini — 313 mingdan ziyodi mas’uliyati cheklangan jamiyatlar (MCHJ) tashkil etadi. Bu ko‘rsatkich umumiy korxonalar sonining 78,3 foiziga to‘g‘ri keladi.

Tashkiliy-huquqiy turlari bo‘yicha korxonalar taqsimoti quyidagicha:

Mas’uliyati cheklangan jamiyatlar — 313 043 ta (78,3%);

Xususiy korxonalar — 46 776 ta (11,7%);

Oilaviy korxonalar — 36 161 ta (9%);

Aksiyadorlik jamiyatlari — 632 ta (0,2%);

Boshqa shakldagi korxonalar — 3 199 ta (0,8%).

Ma’lumotlardan ko‘rinib turibdiki, O‘zbekistonda biznes yuritishning eng ommabop shakli hali ham MCHJ bo‘lib qolmoqda.

Charos Zarqarayeva

«ZAMIN.UZ» muharriri