15-noyabr kuni Ko‘ksaroy qarorgohida O‘zbekiston Prezidenti Shavkat Mirziyoyev va Qozog‘iston Prezidenti Qosim-Jo‘mart To‘qaev uchrashdi. Davlat tashrifi doirasida o‘tkazilgan bu muzokaralar ikki mamlakat o‘rtasidagi yaqin hamkorlikni yangi bosqichga ko‘tarishga xizmat qilishi aytib o‘tildi.
Uchrashuvda siyosiy va iqtisodiy aloqalarni yanada rivojlantirish, savdo hajmini oshirish, energetika, transport va sanoat sohalarida qo‘shma loyihalarni kengaytirish masalalari muhokama qilindi. Tomonlar ikki davlat manfaatiga xizmat qiluvchi yo‘nalishlarda hamkorlikni davom ettirishga tayyorligini bildirdi.
Prezidentlar so‘nggi yillarda O‘zbekiston–Qozog‘iston munosabatlari sezilarli faollashganini ta’kidladi. Xususan, o‘zaro savdo hajmining oshayotgani, qo‘shma sanoat tashabbuslari kuchaygani va mintaqaviy xavfsizlik bo‘yicha hamkorlik mustahkamlanayotgani qayd etildi.
Muzokaralar yakunida ikki davlat rahbarlari strategik ittifoqchilik ruhidagi hamkorlik Markaziy Osiyoda barqarorlik va farovonlikni ta’minlashda muhim o‘rin tutishini ta’kidlab, kelgusida ham amaliy aloqalarni kengaytirishga kelishib oldi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
