"O‘zgidromet" ma’lumotiga ko‘ra, oyning birinchi to‘rt kunida mamlakat bo‘ylab havo o‘zgaruvchan, lekin asosan quruq ob-havo kuzatiladi.
Qoraqalpog‘iston va Xorazmda shamol sharqdan g‘arbga burilib, 7–12 m/s tezlikda esadi. Harorat tunlari 0...-5, kunduzi +7...+12 daraja iliq bo‘ladi.
Buxoro va Navoiyda ham yomg‘irsiz kunlar davom etadi. Tungi harorat -2...+5, kunduzi +10...+15 darajani tashkil etadi.
Toshkent, Samarqand, Sirdaryo va Jizzax viloyatlarida 1–3 dekabrda ob-havo quroq, 4 dekabrda esa ba’zi joylarda yomg‘ir yog‘ishi mumkin. Tuman ehtimoli saqlanadi. Kunduzgi harorat +10...+15 daraja, tunda -2...+3 daraja.
Qashqadaryo va Surxondaryoda asosan quruq ob-havo hukm suradi. Faqat 4 dekabrda Qashqadaryoda kam miqdorda yomg‘ir kuzatilishi mumkin. Harorat kunduzi +12...+17, tunda 0...+5 daraja, ayrim hududlarda -2 darajagacha tushishi mumkin.
Andijon, Namangan va Farg‘onada tumanli ob-havo saqlanadi. Yog‘ingarchilik kutilmaydi. Harorat tunlari -2...+3, kunduzi +8...+13 daraja bo‘ladi.
Tog‘li hududlarda 1–3 dekabrda yomg‘ir va qorsiz, 4 dekabrda esa ba’zi joylarda yog‘ingarchilik (yomg‘ir yoki qor) bo‘lishi mumkin. Tungi harorat -2...+3, kunduzi +5...+10 daraja atrofida.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
