O‘zbekistonda soliq intizomini kuchaytirish maqsadida yangi tartib sinovdan o‘tkaziladi. Prezident qaroriga muvofiq, 2026 yil 1 yanvardan boshlab Namangan viloyatida soliq qarzi bor fuqarolar uchun elektr energiyasi to‘loviga cheklov qo‘llanadi.
Ushbu mexanizm faqat 1 mln so‘mdan ortiq mol-mulk yoki yer solig‘i qarzi mavjud bo‘lgan jismoniy shaxslarga taalluqli bo‘ladi. To‘lovni cheklash jarayoni elektr ta’minotiga emas, balki faqat billing tizimi orqali to‘lov imkoniyatini vaqtincha to‘xtatishga qaratilgan.
Shu bilan birga, “Ochiq budjet” portalining yangi moduli ishga tushirilib, fuqarolar o‘zlari to‘lagan soliqlar va ular hisobidan qilingan xarajatlarni onlayn ko‘rishi mumkin bo‘ladi. Soliq organlari samaradorligi esa avtomatik hisoblanadigan ko‘rsatkichlar asosida baholanadi.
2026 yildan boshlab yana bir muhim o‘zgarish – ko‘chmas mulkni ijaraga berib topilgan daromadlardan tushgan soliq to‘liq holda mahalliy budjetlarda qoldiriladi.
Soliq qarzi haqida ma’lumotlar tez orada bank va to‘lov ilovalarining bosh sahifasida ham avtomatik tarzda ko‘rsatila boshlaydi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
