O‘zgidromet 8—11 dekabr uchun ob-havo prognozi bilan bo‘lishdi. Ma’lumotlarga ko‘ra, hafta boshida mamlakatning turli hududlarida nomutanosib, tez o‘zgaruvchan ob-havo kuzatiladi.
Qoraqalpog‘iston va Xorazmda asosan quruq ob-havo hukm surib, shamol ba’zi kunlari 20–22 m/s gacha kuchayishi mumkin. Tungi harorat 5–10 daraja sovuqqacha tushsa, kunduzi 0–8 daraja iliq bo‘ladi.
Buxoro va Navoiyda 8–9 dekabr kunlari yomg‘ir ehtimoli bor. Keyingi kunlarda havo yamg‘irsiz. Shamolning kuchayishi ehtimoli saqlanib qoladi. Harorat tunlari 5–10 daraja sovuq, kunduzi 3–13 daraja iliq atrofida kechadi.
Toshkent, Samarqand, Sirdaryo va Jizzaxda haftaning birinchi yarmida yomg‘ir kuzatilishi mumkin. 10–11 dekabr kuni havo ochilib, lekin ba’zi hududlarga tuman tushishi mumkin. Kechki vaqtlarda temperatura 5 daraja sovuqqacha tushishi, kunduzi esa 3–10 daraja iliq bo‘lishi kutilmoqda.
Qashqadaryo va Surxondaryoda ham 8–9 dekabrda qisqa muddatli yomg‘ir ehtimoli bor. Kunduzi 12–17 daraja iliq bo‘lsa, ba’zi tunlarda 2 daraja sovuqqacha pasayishi mumkin.
Farg‘ona vodiysida (Andijon, Namangan, Farg‘ona) 8–9 dekabrda yomg‘ir kutilmoqda. 10–11 dekabrda ob-havo barqaror, lekin tuman tushishi ehtimoli bor. Harorat tunlari 0–5 daraja sovuq, kunduzi 3–11 daraja iliq atrofida bo‘ladi.
Tog‘ oldi va tog‘li hududlarda 8–10 dekabr kunlari yomg‘ir va qor aralash yog‘ingarchilik kuzatilishi mumkin. 11 dekabr kuni ob-havo yaxshilanadi. Tungi harorat 5–10 daraja sovuq, kunduzi esa 0–2 daraja iliq bo‘lishi aytiladi.
Sinoptiklar aholini kuchli shamol, tuman va ayrim hududlardagi yog‘ingarchilikka tayyor bo‘lishga chaqirmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
