Yangi yilning ilk ish haftasida O‘zbekiston hududlarida asosan quruq va barqaror ob-havo kuzatilishi kutilmoqda. «O‘zgidromet» ma’lumotlariga ko‘ra, mamlakat bo‘ylab yog‘ingarchilik bo‘lmaydi, ayrim joylarda esa tuman tushishi mumkin.
Havo harorati kechalari 0…–5 daraja atrofida bo‘lib, shimoliy hududlarda –6…–8 darajagacha pasayishi ehtimoldan xoli emas. Kunduz kunlari esa 5–8 yanvarda havo +6…+9 daraja, 9 yanvar kuni esa +9…+12 daraja iliq bo‘lishi kutilmoqda.
Ayrim hududlarda, ayniqsa ertalabki soatlarda tuman kuzatilishi mumkin. Shamol asosan sharqdan esib, kuchsizdan o‘rtacha tezlikkacha bo‘ladi.
Toshkent shahrida ham hafta davomida yog‘ingarchilik kutilmaydi. Kechasi va ertalab tuman tushishi ehtimoli bor. Shamol sharqdan 3–8 m/s tezlikda esadi. Harorat kechalari 0…–2 daraja, kunduz kunlari 5–8 yanvarda +7…+9 daraja, 9 yanvar kuni esa +10…+12 daraja iliq bo‘ladi.
Umuman olganda, hafta davomida keskin ob-havo o‘zgarishlari kuzatilmaydi, kunlar esa nisbatan iliq va qulay kechishi kutilmoqda.
“Zamin”ni Telegramʻda oʻqing! 
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
