O‘zbekistonda temiryo‘l orqali yo‘lovchi tashish xizmatlari narxlari oshirilmoqda. «O‘zbekiston temir yo‘llari» AJ ma’lumotiga ko‘ra, 2026-yil 1-fevraldan boshlab ayrim poyezdlar, xususan, yuqori tezlikda harakatlanuvchi «Afrosiyob» elektro-poyezdlari uchun chipta narxlari 15 foizga qimmatlashadi.
Qayd etilishicha, mazkur qaror texnik xizmat ko‘rsatish xarajatlarining o‘sishi, ehtiyot qismlar qimmatlashuvi, elektr energiyasi va ekspluatatsiya sarflarining ortishi bilan bog‘liq. Shuningdek, harakat xavfsizligini to‘liq ta’minlash, xizmat sifatini xalqaro standartlar darajasida saqlab qolish hamda infratuzilmani muntazam yangilab borish zarurati ham inobatga olingan.
Yangilangan tariflarga ko‘ra, «Afrosiyob» poyezdlarida quyidagi yo‘nalishlar bo‘yicha chipta narxlari belgilandi:
Toshkent — Buxoro
VIP: 1 138 000 so‘m
Biznes: 760 000 so‘m
Ekonom: 509 000 so‘m
Toshkent — Qarshi
VIP: 976 000 so‘m
Biznes: 642 000 so‘m
Ekonom: 429 000 so‘m
Toshkent — Samarqand
VIP: 709 000 so‘m
Biznes: 455 000 so‘m
Ekonom: 311 000 so‘m
Bundan tashqari, «Sharq», «Nasaf» va «O‘zbekiston» yo‘lovchi poyezdlari uchun ham chipta narxlari 15 foizga oshirilgan.
“Zamin”ni Telegramʻda oʻqing!
