Hukumat yo‘l harakati xavfsizligini kuchaytirish va sohani raqamlashtirishga qaratilgan yangi qarorni qabul qildi Adliya vazirligi ma’lum qilishicha Jamoat xavfsizligi departamenti Yo‘l harakati xavfsizligi xizmati axborot tizimidagi Ma’muriy amaliyot moduli tegishli vazirlik va idoralarning axborot tizimlari bilan o‘zaro bog‘lanadi
Qarorga ko‘ra 2026 yil 1 fevraldan boshlab ayrim toifadagi transport vositalari uchun alohida seriyali davlat raqam belgilarini joriy etish ko‘zda tutilgan Xususan umumiy og‘irligi yuki bilan birga 44 tonnadan ortiq bo‘lgan yuk avtomobillari kon shaxta va karerlarda ishlatiladigan maxsus texnikalar yuridik shaxslarga tegishli yo‘nalishsiz taksilar shuningdek antikvar avtomototransportlar alohida seriyada ro‘yxatdan o‘tkaziladi
Eng katta yangiliklardan biri esa 50 yildan ortiq avval ishlab chiqarilgan transport vositalariga taalluqli Endi bunday transportlardan foydalanish ham ularni qayta ro‘yxatdan o‘tkazish ham taqiqlanadi Mazkur toifadagi avtomototransportlar davlat ro‘yxatidan chiqarilishi belgilangan
Shu bilan birga avtomototransport ro‘yxatdan o‘tkazilganligi haqidagi guvohnomada mulkdor manzilini ko‘rsatish talabi bekor qilinadi Bu amaliyot hujjatbozlikni kamaytirishi va ma’lumotlar almashinuvini soddalashtirishi kutilmoqda
Yana bir muhim jihat transportni davlat ro‘yxatidan o‘tkazishda kerak bo‘ladigan ayrim hujjatlarni vakolatli organlardan idoralararo elektron hamkorlik orqali olish tizimi yo‘lga qo‘yiladi Jumladan
avtomototransport oldi sotdi shartnomasi
Elektron onlayn auksionlarni tashkil etish AJ taqdim etadigan auksion bayonnomalari
davlat ulushi mavjud korxonalar ishlab chiqargan transportlar bo‘yicha elektron hisob ma’lumotlar
transport mulkdori haqidagi ma’lumotlar
Avvalroq O‘zbekistonda shahar transporti nogironligi bo‘lgan shaxslar va bolali yo‘lovchilar uchun moslashtirilishi haqida ham xabar qilingan edi Tashuvchilar salonlarni xavfsiz chiqib tushish imkonini beradigan tarzda jihozlashi shart bo‘lishi qayd etilgan
Shuningdek respublika shaharlarida 15 yildan ortiq ishlatilgan avtomobillarda taksichilik qilishni cheklash masalasi ham kun tartibida Yo‘nalishsiz taksilar texnik holati va jihozlari yo‘l harakati xavfsizligi talablariга to‘liq javob berishi shartligi yana bir bor eslatilmoqda
“Zamin”ni Telegramʻda oʻqing!
