Nikola Lazarevich: "Futbol shunday o‘yinki, unda final hushtagi chalinguncha o‘ynash lozim"

Superliganing 7-turidan o‘rin olgan "Metallurg" – "Qizilqum" (1:1) uchrashuvidan keyin mehmonlar ustozi Nikola Lazarevich fikrlarini bildirdi.

- O‘yin haqida
- Biz "Metallurg"ga qarshi o‘yinga jiddiy tayyorgarlik ko‘rgandik va 100% tayyor edik. Qiyin bo‘lishini, "Metallurg" yaxshi himoyalinishini bilardik. Gol urish uchun oxirigacha kurashdik. Oxirgi 3 o‘yinda so‘nggi daqiqalarda gol o‘tkazib yuborayotgan edik. Futbol shunday o‘yinki, unda final hushtagi chalinguncha o‘ynash lozim.

- Legionerlaringiz, xususan, Komolafening o‘yinidan qoniqdingizmi?
- Ha, ular yaxshi o‘ynashdi. Komolafe tarkibimizga kechroq kelib qo‘shildi. U sekin-asta ko‘nikib bormoqda.

- Hujumchilaringizga gol urish uchun nima yetishmadi?
- O‘ylaymanki, omad yetishmadi. Komolafe o‘tgan gal gol urgandi, bugun o‘xshamadi. Biroq bu – futbol. To‘g‘ri tushunamiz.

- "Qizilqum" 1-taymda yaxshi o‘ynay olmadi, 2-taymda yaxshi harakat qildi. Bu nima bilan bog‘liq?
- Bugungi bahsga jiddiy hozirlik ko‘rgandik. Shunchaki raqib bizga imkoniyat qoldirmadi. Shundan kelib chiqib harakatlandik. “Zamin” yangiliklarini “Telegram”da kuzatib boring