O‘zbekiston MTJ Osiyo Kubogi qur’asida qaysi savatchada bo‘ladi?

O‘zbekiston milliy terma jamoasi Osiyo Kubogi-2023 saralash o‘yinlarini muvaffaqiyatli yakunlab qit’a birinchiligi yo‘llanmasini qo‘lga kiritdi.
Xabaringiz bor, 2023 yilning 16 iyun - 16 iyul oralig‘ida o‘tkaziladi. Faqat hozircha musobaqa qaysi davlatda bo‘lib o‘tishi ma’lum emas. Kecha o‘tkazilgan oxirgi tur o‘yinlaridan so‘ng Osiyo Kubogi final bosqichiga chiqqan barcha 24 jamoa nomi ma’lum bo‘ldi.

Bular - Avstraliya, Yaponiya, Eron, Iroq, Janubiy Koreya, Livan, Falastin, Ummon, Xitoy, Qatar, BAA, Saudiya Arabistoni, Vetnam, Iordaniya, Suriya, O‘ZBЕKISTON, Hindiston, Bahrayn, Tojikiston, Tailand, Malayziya, Qirg‘iziston, Gonkong, Indoneziya.

Shu o‘rinda ko‘pchilikni qiziqtirayotgan savol: Osiyo Kubogiga qur’a qachon tashlanadi va O‘zbekiston qaysi savatchada bo‘ladi?

Ma’lumki, OFK jahon chempionati ikkinchi saralash bosqich yakunlariga ko‘ra, jamoalarni savatchalarga bo‘lib chiqadi. Bunda JCH-2022 saralash bosqichining uchinchi raundiga yo‘l olgan 12ta jamoa 6tadan birinchi va ikkinchi savatchalarga bo‘linadi. Qolgan 12 jamoa esa oltitadan uchinchi va to‘rtinchi savatchalarga joylashadi.

Shunday bo‘lgan taqdirda O‘zbekiston JCH saralash bahslarining uchinchi raundiga yo‘l ola bilmagani hamda Osiyo Kubogi saralash o‘yinlarida guruhda birinchi o‘rinni egallagani bois qur’a paytida 3-savatchadan joy oladi. Hozirdanoq savatchalar aniq bo‘lib ulgurgan va qur’a paytida ham o‘zgarmaydi. Osiyo Kubogi qur’asi kelasi yil o‘tkaziladi. “Zamin” yangiliklarini “Vkontakti”da kuzatib boring