Daiki Matsuoka: "O‘zbek halqi juda mehmondo‘st ekan"

Xabaringiz bor, yurtimizda U-23 Osiyo kubogi bahslari yakunlanmoqda va kecha ushbu turnirning 3-o‘rin uchun Yaponiya - Avstraliya (3:0) uchrashuvi bo‘lib o‘tdi.

- Bugungi uchrashuv haqida fikrlaringiz...
- Har doim o‘yinda sifatga ahamiyat beraman. Shuningdek, raqib kim bo‘lishidan qat’iy nazar g‘alaba qozonishga harakat qilaman.

- Turnirning ikki o‘yinida eng yaxshisi deya e’tirof qilinganingiz haqida nima deya olasiz?
- Bu natijadan xursandman. Ammo hali o‘sishda davom etishim kerak. Bugungi o‘yinda uzatmalarda va qaror chiqarishda ko‘p hatolar qildim. Nima qilib bo‘lsa ham gol urmoqchi edim, biroq buni uddalay olmadim.

- Turnir Siz uchun qay darajada o‘tdi?
- Musobaqa a’lo darajada bo‘ldi. Lekin oldimizga qo‘yilgan chempionlik vazifasini bajara olmadik.

- O‘zbekistondagi muxlislik madaniyati qay darajada ekan?
- Juda ajoyib. Chunki o‘zingiz guvoh bo‘ldingizdek ular bugun mening ismimni aytib qo‘llab-quvatlashdi va har bir harakatimni qarsaklar bilan qarshi olishdi. Bundan tashqari mehmonxona xodimlari bizning har bir o‘yinimizdan so‘ng bizni qarsaklar bilan kutib olishdi. O‘zbek halqi juda mehmondo‘st ekan.