"Nasaf" "Gent" tarbiyalanuvchisini jalb qilmoqda

Qarshi klubi yana bir legioner bilan shartnoma tuzadi. "Gent"ning kamerunlik tarbiyalanuvchisi, o‘ng qanot vingeri Serj Tabeku erkin agent sifatida "Nasaf" bilan kelishuv tuzishi mumkin.

Futbolchi faoliyati davomida Belgiyaning "Gent", "Aud-Xeverle Lyoven", "Yunion", "Muskron" kabi klublarida, shuningdek, Fransiyaning "Sedan" va Turkiyaning "Manisa" jamoalarida to‘p tepgan. Bundan tashqari, u Kamerun terma jamoasida 5 ta o‘yinda 1 ta gol urgan.

Uning oxirgi klubi "Muskron" edi. Transfermarkt portali 25 yoshli o‘yinchini 600 ming yevroga baholagan.