Joze Mourino hujum chizig‘idagi muammolarni yangi forvard olish orqali hal qilmoqchi. Yozda jamoaga kelgan Paulo Dibala jarohat olib, uzoq muddatga safdan chiqqanidan keyin “bo‘rilar”ning “tishi o‘tmasligi” bilinib qoldi.
Asosiy tarkib hujumchisi hisoblangan Temmi Abraxam ham, “Torino”dan kelgan to‘purar Andrea Belotti ham mavsumni o‘z darajasidan ancha past boshladi. Zaxira hujumchilari – Eldor Shomurodov va Stefan El-Shaaravining natijalari Joze Mourino boshchiligidagi murabbiylar shtabini qoniqtirayotgani yo‘q.
“Roma” rahbariyati ko‘p gol uradigan hujumchi masalasini Angliya premer-ligasida barqaror o‘yin ko‘rsatayotgan Uilfrid Zaani olib kelish orqali hal qilmoqchi. Bu futbolchi ketma-ket uch mavsumdan beri “Kristal Pelas” jamoasining eng yaxshi to‘purari bo‘lib kelmoqda. Qolaversa, yildan yilga samaradorligi ko‘tarilib borayotgan kuzatilyapti. Xususan, 2021 yili 30 ta uchrashuvda 10 ta gol urgan Zaa o‘tgan mavsumni 14 gol bilan yakunladi. Joriy chempionatda har ikkita o‘yinda bittadan to‘p kiritib, hisobida oltita gol yig‘ib qo‘ydi.
Ivuarlik futbolchi “Kristal Pelas” safida olti yildan beri to‘p tepmoqda va mavsum oxirida shartnomasi yakunlanadi. 30 yoshli to‘purarning o‘zi ham kuchini boshqa jamoada sinab ko‘rishga qarshi emas.
“Kristal Pelas” tarbiyalanuvchisi ilgari “Kardiff” va “Manchester Yunayted”da ham to‘p tepgan. Biroq, yetarli darajada o‘zini ko‘rsata olmagani uchun jonajon jamoasiga qaytib kelgan. Agar Uilfrid uchun “Roma”ning taklifi yangi imkoniyat hisobladi.
Ta’kidlash joizki, agar Zaa Rimga keladigan bo‘lsa, Eldor Shomurodovning joyiga da’vogarlik qiladi. Chunki Zaaning asosiy pozitsiyasi chap qanot va markaz hujumi hisoblanadi. Shomurodov ham “Roma”da aynan mana shu pozitsiyalarda to‘p tepyapti.
Uilfrid Zaa klublar miqyosidagi faoliyati davomida jami 462 ta uchrashuvda maydonga tushib, raqiblar darvozasini 90 marta ishg‘ol qilgan. Shuningdek, uning hisobida 76 ta assist ham qayd etilgan.
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rashida Tolib Kongress a’zolariga «achchiq haqiqat»ning suratini ko‘rsatdi
20 yoshli o‘zbekistonlik qizni qarindoshi Turkiyaga sotib yubordi
KXDR yetakchisi dronlarni ommaviy ishlab chiqarishni yo‘lga qo‘yishni buyurdi
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
Shols va Putin o‘rtasidagi suhbat Kiyevga signal bo‘ldi
Turkiyaning Harper's Bazaar nashri yil ayolini aniqladi (foto)
Buyrak salomatligi uchun eng foydali sabzavot...
Ayrim boshqaruv servis kompaniyalari shartnomalarida asossiz shartlar belgilangani aniqlandi
