Qishki transfer mavsumi yaqinlashgani sari “Roma” bosh murabbiyi Joze Mourino ishonch bildirmayotgan Eldor Shomurodov haqidagi xabarlar ham ko‘payib bormoqda.
Italiya matbuoti o‘zbek hujumchisiga A Seriyaning o‘zidan bir necha klublar da’vogar ekani haqida ma’lumotlar chiqara boshladi. Xususan, turli manbalar lenionerimizga “Torino”, “Bolonya”, “Monsa”, “Sampdoriya” qiziqish bildirayotganini yozmoqda. Hali bu ro‘yxat yanada kengayishiga hech qanday shubha yo‘q.
Shomurodov transferi haqidagi xabarlarga A Seriya debyutanti “Monsa” bosh direktori Adriano Galliani munosabat bildirdi.
- Biz qishki transferlar vaqtida jamoani kuchaytirish uchun Eldor Shomurodov nomzodini ko‘rib chiqayotganimiz yo‘q. Tabiiyki, yanvar uchun rejalarimiz bor, lekin ularga Shomurodov kiritilmagan, - dedi Adriano Galliani.
Eldor Shomurodov ketma-ket ikkinchi yili Joze Mourino ishonchini qozona olmayapti. 27 yoshli futbolchimiz yuqori sport formasida bo‘lgan paytda ham unga muntazam o‘yin amaliyoti berilmayapti.
Xususan, joriy mavsumda Eldor Shomurodov sakkiz marta maydonga tushib, umumiy hisobda 151 daqiqa to‘p tepdi. Shunga qaramay, Eldor o‘z hisobiga bitta gol yozdirib qo‘ygan.
Transferlarga ixtisoslashgan https://www.transfermarkt.world portali hamyurtimizni 7 million yevroga baholamoqda.
“Roma” o‘tgan yili yozda o‘zbek futbolchisi uchun “Jenoa”ga 18 million yevro to‘lagan. Biroq hujumchimiz zahirada o‘tirib qolgani tufayli transfer summasi pasayishda davom etmoqda.
“Roma” futbolchisiga xaridor chiqdi
Joriy mavsumni avvalgilarga nisbatan ancha muvaffaqiyatli boshlagan “Salernitana” qishki transferlar vaqtida tarkibini kuchaytirishga qaror qildi.
Klub sport direktori Morgan De Sanktis yanvarda jamoaga “Roma” yarim himoyachisi Edoardo Boveni olib kelishni rejalashtirmoqda.
Ma’lumotlarga qaraganda, jamoa bosh murabbiyi Davide Nikolaga niderlandiyalik yarim himoyachi Tonni Vilenaning o‘yini unchalik ma’qul kelmayapti. Shu bois, bu jamoa Italiya yoshlar terma jamoasi va “Roma”ning iste’dodli o‘yinchilaridan hisoblangan Boveni transfer qilmoqchi.
20 yoshli futbolchi o‘tgan yili yozdan beri “Roma”ning asosiy tarkibida to‘p tepmoqda. Joriy mavsumda A Seriya va Yevropa ligasida beshtadan uchrashuvda ishtirok etdi.
Bovening transfer summasi 1,5 million yevroga baholangan. Amaldagi shartnomasi yana uch mavsum davom etadi.
“Roma” ga yangi hujumchi kelyapti
“Roma” bilan kelishuvga erishgan “Budyo-Glimt” hujumchisi Ola Solbekken tez orada jamoasini o‘zgartirishini ma’lum qildi. Bu futbolchi o‘tgan mavsumda Konferensiyalar ligasida “Roma”ga qarshi uchrashuvlarda yuqori saviyada o‘ynab, rimliklar darvozasini ishg‘ol qilganidan keyin Joze Mourino e’tiboriga tushgandi.
“Roma” sport direktori Tyagu Pinto uzoq davom etgan muzokaralardan so‘ng, norvegiyalik futbolchini Rimga ko‘chib o‘tishga ko‘ndirdi.
- Endi men uchun faoliyatimning yangi sahifasi ochilmoqda. Bu yangi sarguzashtlar, degani. Men top-chempionatda o‘ynayman, - dedi Ola Solbakken.
Dekabrda Solbakkenning “Budyo-Glimt” jamoasi bilan tuzgan shartnomasi yakunlanadi. 24 yoshli futbolchi “Roma” safiga erkin agent sifatida qo‘shiladi.
Transfer bozorini o‘rganib borayotgan ekspertlar norvegiyalik futbolchiga joy ochish uchun “Roma” Eldor Shomurodovdan voz kechishi mumkinligini ta’kidlamoqda. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Donald Tramp 27 yoshli Karolin Levittni Oq uy matbuot kotibi etib tayinlamoqchi
Jo Bayden: “Ba’zan xotinim meni kosmosga jo‘natish bilan tahdid qiladi”
Apple dongdor ikki ayfonini rasman eskirgan deb e’lon qildi
Endi operatsiyadan so‘ng kesmalar o‘rni ikki barobar tezroq bitishi mumkin
AQSH harbiylari orasida o‘z joniga qasd qilish ko‘paydi
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Ayrim boshqaruv servis kompaniyalari shartnomalarida asossiz shartlar belgilangani aniqlandi
Shols va Putin o‘rtasidagi suhbat Kiyevga signal bo‘ldi
