Qirg‘iziston prezidenti jamoasi futzal turniri finalida yutqazdi

^{Foto: Muras}
14-15 dekabr kunlari Qirg‘iziston poytaxti Bishkek shahrida futzal bo‘yicha «Muras» kichik turniri o‘tkazildi. Unda 16 ta jamoa ishtirok etdi.

Jumladan, musobaqada mamlakat prezidenti Sadir Japarov jamoasi ham qatnashib, finalga yetib bordi va Sport federaiyalari jamoasiga 3:4 hisobida yutqazdi.

Birinchi «Muras» turniri 2021 yil dekabr oyida o‘tkazilgan bo‘lib, unda «Onor» jamoasi g‘olib bo‘lgan edi. 2022 yil may oyida ikkinchi turnir o‘tkazildi va unda prezident Sadir Japarov jamoasi g‘olib chiqdi. Har ikki musobaqada davlat rahbari to‘purarlik unvonini qo‘lga kiritdi. G‘oliblik uchun berilgan 1 million qirg‘iz so‘mi miqdoridagi mukofot puli mehribonlik uylariga tarqatildi. “Zamin”ni Telegramʻda oʻqing!