“Roma” va “Torino” klublari Eldor Shomurodov transfer bo‘yicha muzokaralarni yakunlash arafasida turibdi. O‘zbek hujumchisi Turinga ko‘chib o‘tishga rozilik berganidan keyin “Torino” sport direktori Davide Vagnatti yana “Roma”dagi hamkasbi Tyagu Pintoga murojaat qilishga qaror qildi.
Nufuzli manbalardan biri – Tuttosport nashrining yozishicha, bu gal Davide Vagnatti uchrashuvga Shomurodov agentlarini ham birga olib boradi. Shu haftada o‘tkazilishi rejalashtirilgan muzokarada “Torino” mutasaddilari hujumchini keyinchalik 10 million yevroga transfer qilish huquqi bilan mavsum oxirigacha ijaraga olish taklifini qo‘yadi. Avvalgi variantlardan farqli raqishda bu gal Vagnatti ijaraga ajratilgan summani oshirishga qaror qilgan.
“Torino” rahbariyati bu galgi variant Tyagu Pinto qo‘ygan talabni yumshatishiga va “Roma”ni transferga rozilik berishiga ishonch bildirmoqda.
Ma’lumki, portugaliyalik mutaxassis bosh murabbiy Joze Mourino rejasiga kiritilmagan o‘yinchilarni to‘liq sotib yuborish siyosatini mahkam tutib turibdi.
U “Roma” futbolchilarini o‘z safiga qo‘shib olmoqchi bo‘layotgan jamoalardan transferni to‘liq amalga oshirish yoki yozda futbolchini sotib olish majburiyatiga rozi bo‘lishni talab qilmoqda.
Eldor Shomurodovdan tashqari, bu talab Joze Mourino bilan kelisha olmay qolgan Rik Karsdorpga qo‘llanmoqda. Murabbiylar shtabi niderlandiyalik futbolchini mojarodan keyin uchrashuvlar qaydnomasiga kiritmay qo‘ydi.
Tajribali himoyachini so‘rab, bir necha klublar, xususan, “Yuventus” ham murojaat qildi. Biroq, rimliklarning Karsdorp uchun 10-12 million yevroni birdan to‘lashni talab qilayotgani transferga to‘sqinlik qilmoqda.
Xuddi Eldor singari niderlandiyalik himoyachi ham o‘yin amaliyotisiz qolib ketmoqda. Shu bois, u ham Rimni tark etish variantlarini qidirmoqda.
Mourinoga kerak bo‘lmagan yana bir o‘yinchi – Jastin Klyuyvertning bu borada biroz omadi chopdi. Niderlandiyalik hujumkor futbolchi yozda vaqtni boy bermay, “Valensiya”ga ijaraga o‘tib ketgandi. Endi ispan klubi bosh murabbiy Jennaro Gattuzo talabiga ko‘ra “Roma” o‘yinchisini transfer qiladigan bo‘ldi.
Tyagu Pinto kutganidek, bu transfer poytaxtliklarga 10-12 million yevro atrofida daromad keltirishi va bundan tashqari klub, reja kiritilmagan o‘yinchidan butkul qutilishi ta’minlanadi.
Eldor Shomurodov masalasi ham huddi shu tarzda yakunlanishi kutilmoqda. “Torino” o‘tkir hujumchiga muhtoj. Mutaxassislar o‘zbek hujumchisi A Seriyadagi debyut mavsumida “Jenoa”da sakkizta gol urganini inobatga olib, unga yetarli o‘yin amaliyoti berilsa, yana to‘purarlik qobiliyatini namoyishi qilishiga ishonch bildirmoqda. Shuning uchun ham “Torino” bosh murabbiyi Ivan Yurich oldingi chiziqda asosiy hujumchi sifatida Shomurodovni o‘ynatishga qaror qilgan va uning transferini talab qilyapti.
Demak, “Roma” va “Torino” mutasaddilarining bo‘lajak uchrashuvi o‘zbek hujumchisi transferiga nuqta qo‘yishi kutilmoqda. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
KXDR Rossiyaga 100 minggacha harbiy yuborishi mumkin
Organizm o‘zini toksinlardan qanday tozalaydi?
Omega-3 qanday qilib ozishga yordam beradi?
Donald Tramp 27 yoshli Karolin Levittni Oq uy matbuot kotibi etib tayinlamoqchi
Endi operatsiyadan so‘ng kesmalar o‘rni ikki barobar tezroq bitishi mumkin
Apple dongdor ikki ayfonini rasman eskirgan deb e’lon qildi
Jo Bayden: “Ba’zan xotinim meni kosmosga jo‘natish bilan tahdid qiladi”
Buyrak salomatligi uchun eng foydali sabzavot...
