Belarus chempionatidagi yorqin faoliyatidan keyin Qozog‘istonning “Ordabasi” jamoasiga ko‘chib o‘tgan Bobur Abduxoliqov yangi ligada ham o‘zini ko‘rsata boshladi.
Shimkent klubi premer-liganing dastlabki turida o‘z maydonida “Kaspiy” futbolchilarini qabul qildi.
“Ordabasi”dagi ikki legionerimiz – Shahboz Umarov va Bobur Abduxoliqov boshlang‘ich tarkibda maydonga tushdi.
Bellashuv mezbonlar ustunligida o‘tdi va 3:1 hisobi bilan yakunladi.
Shimkentliklarning uchinchi goliga Bobur Abduxoliqov mualliflik qildi va yangi chempionatdagi gollari hisobini ochdi.
Shahboz Umarov 68 daqiqa to‘p tepdi. Boburning o‘zi esa 83-daqiqada o‘rnini jamoadoshiga bo‘shatib berdi.
Qozog‘iston chempionati
1-tur
"Ordabasi" – "Kaspiy" 3:1
Gollar: Islamxan Bauirjan 16', Asxat Tagibergen 49', Bobir Abdixoliqov 66' – Georgiy Pansulaya 71'
"Ordabasi": Bekxan Shayzada, Asxat Tagibergen (s), Gafurjan Suyumbayev, Islamxan Bauirjan (Radoslav Petrovich, 60), Maksim Fedin (Elxan Astanov, 61), Yerkebulan Tungishbayev, Temirlan Yerlanov, Sergey Maliy, Mamadu Mboji, Bernardo Matich, Bobir Abdixoliqov
"Kaspiy": Maksim Plotnikov, Duman Narzillayev (s), Stefan Kotsev (Vilyus Armanavichyus, 56), Yerlan Kadirbayev, Aleksey Zelenskiy, Georgiy Pansulaya, Maksat Taykenov, Dmitriy Podstrelov (Jambuli Jigauri, 56), Abdullay Diakate, Talgat Kusyapov, Ruben Brijido
Chetlatish: Sergey Maliy 81
“Zamin” yangiliklarini “Twitter”da kuzatib boring
