Professional boksning birinchi yarim yengil vazn toifasida (-55,3 kg) WBA va IBF kamarlari sohibi Murodjon Ahmadaliyev (11-1, 8 KO) navbatdagi jangini IBF yo‘nalishida majburiy da’vogar Marlon Tapalesga (37-3, 19 KO) qarshi o‘tkazdi.
Ushbu bellashuv O‘zbekiston vaqti bilan 9 aprel tongida San-Antonio (AQSH) shahrida o‘tkazilgan boks kechasi doirasida bo‘lib o‘tdi. Jang to‘liq davom etdi va yakunda hakamlarning turli qarori bilan Filippin vakili g‘olib deb topildi.
Birinchi raund deyarli zarbalarsiz o‘tdi, so‘nggi soniyalarda yo‘llangan bitta zarba orqali Tapales raundni o‘z foydasiga hal qildi. Keyingi ikki raundda ham filippinlik bokschi biroz faol bo‘ldi.
To‘rtinchi raundga kelib Murodjon faollik qo‘shdi va zarbalarini o‘tkaza boshladi. 5-raundda teng kurash kechgan bo‘lsa, keyingi ikki raundda Ahmadaliyev faolroq bo‘ldi. 8-raund o‘rtacha tempda o‘tdi. 9 va 10-raundlarda Murodjon qator zarbalar seriyasini amalga oshirdi.
11-raund biroz sokin ruhda o‘tdi. So‘nggi raundda esa o‘zbekistonlik boksichi raqibini qiyin ahvolga solib qo‘ydi. Hakamlar qarori esa quyidagicha bo‘ldi — 118:110, 113:115, 113:115.
Shu tariqa Ahmadaliyev professional boksdagi ilk mag‘lubiyatini qabul qilib oldi. WBA va IBF kamarlari esa Tapalesga o‘tdi.
“Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Organizm o‘zini toksinlardan qanday tozalaydi?
Rashida Tolib Kongress a’zolariga «achchiq haqiqat»ning suratini ko‘rsatdi
Shimoliy Koreya Rossiyaga uzoqqa zarba beruvchi qurollar yubordi
Ijtimoiy tarmoqlar davrida ruhiy salomatlikni qanday saqlash mumkin?
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
KXDR Rossiyaga 100 minggacha harbiy yuborishi mumkin
Eron AQSHdan 1 trln dollar kompensatsiya talab qildi
Turkiya Isroil prezidenti samolyotini havo hududiga kiritmadi
