166
Ifeani Ifeani: "Hakamlar xato qilsa, tarafini olishadi. Biz-chi? Biz ham insonmiz va xato qilamiz"
"Qizilqum"ning nigeriyalik legioneri Ifeani Ifeani bilan championat.asia sayti intervyu uyushtirdi.
- Ifeani nega aynan yana O‘zbekistonga qaytishni xohladingiz?
- Avvalo, O‘zbekistonda futbol yuqori saviyada. Bundan tashqari, Osiyoda o‘zbek futbolining o‘rni oldingi qatorlarda turadi. Qolaversa, oldingi safar kelgan paytimdagi chempionatdan hozirgi bo‘layotgan Superliga orasida odamni hayratga soladigan darajada o‘zgarishlar bo‘lgan. Shu sababli ham qaytdim. Yana bir qaytishimga asosiy sabab, "Qizilqum" jamoasidan ketgan murabbiy Asror Aliqulovdir. U judayam yaxshi inson. Qolaversa, uning futboldagi falsafasi va taktikalari menga yoqadi. Menga taklifni aynan shu mutaxassis bergan va men bu taklifni rad etolmadim.
- Yurtdoshingiz Viktor Mbaoma ham siz orqali "Qizilqum" jamoasiga kelganmi?
- Yuq. Men uni tanimasdim. Sababi men Iroq chempionatida to‘p tepganman. U esa Jazoirda faoliyat olib borgan. Viktorni faqatgina mavsumga tayyorgarlik paytida, mashg‘ulotlarga kelganda taniganman.
- Hamma joyda yangrayotgan savol. Bu mavsumda "Qizilqum" jamoasiga nima bo‘lmoqda? Natijalar va kartochkalar juda ham ko‘payib ketdi. Qolaversa, ularning ikkitasini o‘zingiz qabul qilib oldingiz...
- Bilasizmi, "Qizilqum" jamoasi ayni vaqtda o‘zgarish jarayonida. Bunday o‘zgarishlar va natijalarning pasayishi dunyodagi top va buyuk klublarida ham bo‘ladi. Misol uchun, mana Anglyaning "Chelsi" jamoasida ham hech nima o‘xshamayapti. Sababi jamoa butunligicha o‘zgarmoqda. Bizda ham xuddi shunaqa jarayon kechmoqda. O‘tgan mavsumdagi tarkib deyarli butunligicha almashtirilgan. Shuning uchun ham muxlislardan faqatgina sabr qilishlarini so‘rab qolgan bo‘lardik. Albatta, ular o‘zlari xohlashgani g‘alabalarimiz hali oldinda. Bunga biz astoydil harakatdamiz.
Qizil kartochkalarga keladigan bo‘lsak, bilmadim, hakamlar kartochka ko‘rsatish kerak bo‘lmagan vaziyatda ham futbolchilarni ogohlantirmoqda. To‘g‘ri, ularni inson xato qiladi, deb tarafini olishdi. Lekin biz-chi? Biz ham insonmiz va xato qilamiz. Agar tahlil qilib bir vaziyatni ko‘rib chiqsak. Ya’ni Superliga 2-turidan o‘rin olgan "Qizilqum" va "Buxoro" jamoalari o‘rtasidagi uchrashuvda raqib futbolchisi menga qanday jarohat yetkazganini ko‘rishsin. Nega o‘shanda hakam futbolchini hattoki og‘zaki ogohlantirmadi. Adashmasam, o‘yinda VAR ishlayotgandi. Bilasizmi, bunday xatolar kerak emas. Yana ham bilmadim.
- Ifeani "Qizilqum" jamoasining oldingi mavsumlarida sizning pozitsiyangizda qanday futbolchilar to‘p tepganidan xabaringiz bordir. Shunday ekan, muxlislar sizdan ham ana shunday o‘yinlarni kutishmoqda...
- Albatta, hammasini bilaman va buni his qilmoqdaman. Muxlislar esa bunga haqlidir. Men ham ular istayotgan o‘yinni maydonda ko‘rsatishga bor kuchim bilan harakat qilmoqdaman. Jamoamizning ashaddiy muxlislaridan menga ishonishlarini va men bu ishonchni ajoyib o‘yinlarim bilan oqlayman. Men bunga ishonaman va bu ishlar uchun kuchim ham yetadi.
- Siz uchun ayni vaqtda Superligada top-darajada o‘yin ko‘rsatayotgan futbolchi kim?
- Shubhasiz, "Paxtakor" jamoasi futbolchisi Dragan Cheran. Uning aqlli o‘yinlari va gollari jamoasi uchun anchagina foyda keltirmoqda.
Shohruh Meylixolov suhbatlashdi
“Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rashida Tolib Kongress a’zolariga «achchiq haqiqat»ning suratini ko‘rsatdi
Turkiya Isroil prezidenti samolyotini havo hududiga kiritmadi
Eron AQSHdan 1 trln dollar kompensatsiya talab qildi
Dunyoning mashhur ayollari kunni qanday boshlaydi?
Shimoliy Koreya Rossiyaga uzoqqa zarba beruvchi qurollar yubordi
Tyumen oblastiga O‘zbekistondan mehnat migrantlari ishga jalb qilinadi
KXDR Rossiyaga 100 minggacha harbiy yuborishi mumkin
Ijtimoiy tarmoqlar davrida ruhiy salomatlikni qanday saqlash mumkin?
